هــــــاي صبايا شلونكم انشالله بخير

- امسكي التلفون وكلمي رفيجتج من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة

2- اطلعي الحوش ولا السطح وافرشيلج فرشة وانسدحي على ظهرج وتآملي النجوم واسترخيييي وتاملي؟!؟!؟

3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواش وكل شيء..

5-روحوا الجمعيه وامسكوا العربانة ودوروا فيها ودعموا بخلق الله وقولوا اووه آسفة مادريت

6-امسكي ريموت كونترول واحذفي كل القنوات من الرسيفر ورجعي حطيهم من جديد (هذا ويهي ان رجعتي منهم شي

7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون حلجكم..نص ساعة طبعا بوجود الجميع (مااحد يقدر يسويها)

9-سوي عصير برتقال واشربيه

10- غيرى مكان اثاث دارج

11-اقروا مجلة اطفال (ميكي وماجد)

12-البسي ملابس الوالد دشداشة وغترة وخرعوا اهلكم !!

13- اخذيلك شور وقعدى ساعتين بالحمام >> اذا ما طلعتى تدورين الفراش هذا وجهى

15-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم

16-روحوا مواقع بطاقات وكاردات وارسلوا لصديقاتكم ودزولي أنا بعد .

17-ألفي مسجات نقال ونكات ماسنجر..خذي مجلات سيدتي أو مجلة عالم السيارات وتعلمي أشلون أتقحصين بالبراحه الي يم بيتكم وهالله هالله بالخمسات ودرب الحيه ( ادري بس الشباب راح يفهمون ) لووول..

18-ادخلي غرفتج وحطي فل ميكأب(مكياج كامل) كأنج رايحة عرس ولطخي ويهج تلطخ وصوري نفسج..حركة صح

19-امسكي دفتر تلوين اطفال واقعدي لوني ...هههه

20-اذا زهقتي افتحي كبت هدومج وقعدي قيسي ملابسك بدلة ورا الثانية< يمكن يأذن الصبح ماخلصتي من كثرهم

21-روحي المطبخ سوي كيكة (هذا ويهي اذا احد اكلها)

22-سوي ايميل يديد وقعدي العبي على اللي تعرفينهم ..

23-تعلموا لغة فرنسية هذا إذا انتي تعرفين أنجليزي .. مثلا كلمات معينة فرنسية واقعدوا اكشخوا فيهم وتفلسفوا فيهم

24-اركبي السيارة وهي موقفة داخل البيت وكأنك تسوقين

25- طلعي ونزلي السلم عشرين مرة .. منها تتمشين ومنها تسوين ريجيم< ذبحتكم القعدة والفراغة

26-قعدي على الكومبيوتر وحوسيه مثل العادة

27-طلعي الحوش..وصيديلج حشرة لطيفة (زهيوي=صرصور مثلا ) وحطيها بعلبة وقعدي راقبيها..بس لا تخلونها وقت طويل عشان ماتتعذب <والله من العطف عندكم يالبنات

28-إخذي مجلات قديمة وقعدي قصقصي صور ولزقيها بكتالوج (بتطلع المواااااهب)

29-طلعوا حوشكم ..ولعبي كرة..وكسري ليتات البيت

30-قولي للهندية سوي غدا قوزي وبعدين قوليلها ماتشتهين تاكلين..

الظاهر بعد هالنصايح راح تدعون لي

وين اردوووووووووووووووووووووووود

ههههههههههههه
ثانكس ع الموضوع الحلو
4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواش وكل شيء..
سووووووويتها مره خخخخخخخ

الاخيــــــــــــــــــــــره حللللللللللللللللللوه!!

فيهـــــــــا تعـــــــــــــــذيب نفســــــــــــــــي!!
مشكوووور

اخوي بعد اذية النصايح ولا تدور احد اكيد راحو يكسرو الملل

اكيد متشكرررررررررررررررررررررررررررررررررررررررررررررر رررررررررررررررررررررررررررررررررررررررررررررررررر ررررررررررررررررررررررررررررررررررررن

30-قولي للهندية سوي غدا قوزي وبعدين قوليلها ماتشتهين تاكلين..
بسوي هالحركه بس أخاف الطباخ
يكفخني بالملاس ههههههههههههه
ثانكس ونتريا المزيد