البارحة ربي كتب لي ومريت ..
..دربٍ عليه بروق الأحباب لاحت


جيت المكان اللي جمعنا وخفيت ..
.. وقامت جروحي للجوارح وصاحت


ياليتني في لفة الدرب زليت ..
.. كان العيون من الدموع استباحت


التم غيم الدمع من يوم لفيت ..
.. وورقا القصيد لشوفة الغيم ناحت


وضحكت ماأبغي الناس تدري يبالفيت ..
.. لكنها غصبٍ على العين ساحت


حارت دموعي في عيوني وصديت ..
.. وأرمشت مابيها تبين .. وطاحت


وعقبه برق في العين براق .. واسقيت ..
.. خدي ووناتي بصدري تلاحت


وأنا أحسب إني في فراقه تشافيت ..
.. وان عبرتي من مدخل الزاد زاحت


اللي يحسب إني على البعد سجيت ..
.. والا ان عيوني للرقاد استباحت


ياليتني من قبل لا أحبه اقفيت ..
.. والا ان دروبي عن دروبه تناحت


أهون علي من البكا والتناهيت ..
.. وأشلا من سدودٍ على الناس باحت


عرفت كيف الحي يفرق عن الميت ..
.. وعرفت قيمة نعمتي يوم راحت


قولوله اني عقب بعده تدانيت ..
.. ورجلي عن دروب المعافين شاحت


البعد نار وطاعة العذل كبريت ..
.. يقصر على بعده .. ترى الكبد فاحت






نااااااااااصر الفراااعنة

ناقتي يا ناقتي لا رباع ولا سديس****وصليني لا بتي من وراء هاك الطعوس


حايلٍ رابع سنه من خيار العيس عيس****خفها لا در همت كنه بالنار محسوس


في دجى خالي خلا لا حسيس ولا نسيس****تدوخك من شدة البرد طقطقة الضروس


في عيوني يكفخ الطير ويطيح الفريس****وانتهض جساس من دون خالته البسوس


%$#$#^^^&&&^^^#$#$%


وفي خفوقي فرخ جنيةٍ يضرس ضريس****يوم أوردها هجوس وأصدرها هجوس


ديرتي دار ابن ضاري وابن غثلم جريس****ديرة اللي دوجوا في فيافي نجد جوس


ديرتي يا بنت شيخٍ ومعدنها نفيس****عيطموسٍ دونها دثرتني عيطموس


جادلٍ مطرق جسدها مع الغربي يميس****طينةٍ من تربة الخلد والدم محموس


نقشت خمسٍ من الخمس في يوم الخميس****ليت شعري ما أرادت بهذا دختنوس


كم تمنا إن معه مثلها فتنة إبليس****كان يمكن قد قلب نصف امتنا مجوس


كن دماث الصدر منها كنيسة أو كنيس****صومعة رهبان ديرٍ يؤدون الطقوس


أتقوس مع تقوس نواهدها وأقيس****قبتين قاب قوسين قوسٍ جنب قوس


خصرها يحكي لنا واقع القوم التعيس****وردفها عن غطرسة بوش يعطينا دروس


وبالرغم من قصرها ما يجالسها جليس****تصبح أطول نسوة الأرض في وضع الجلوس


العروسه نجد ماتبي غير أبو تركي عريس****العروسه نجد ما هيب حي الله عروس


نجد بنت المجد ونسة مونسة الونيس****ما عسفها الا معزي ضحى اليوم العبوس


كل أهل نجد هلي من إجاء حتى الخميس****في ذراهم بالتجي عن مجففة الرسوس


وعيشتي مابين أسودٍ ولو ماني رئيس****خير من كوني رئيسٍ على شلقة تيوس


وليس عيباً إن خدعني بمكره كل هيس****لان ما يفهم بمكر الهيوس الا الهيوس


مصطفى في مأدبة عمه البابا لويس****كبر اللقمة تحت ضوء حمراء الكؤوس


وطسم حدتها على حائط المبكى جديس****يوم شقت ثوبها بنت عفارٍ شموس


سيدة هاك القصر أسمها الأول لميس****دونها سمر الحناجر بترها حد موس


قسقسة لأحرارهم.قيس.قيس.قيس.قيس.****وألبستهم من مهانتهم أنواع اللبوس


بين خدعة كعب اخيلٍ ومولد ادونيس****درسونا الالهه والمدرسون روس


ويش لاقوا من قناة السويس أهل السويس****وويش لاقوا من تلمسان قومٍ من سنوس


كلهم من شدة الجوع راحوا خندريس****بين غيبوبة مخدر وصحوة عرق سوس


ثورة راحوا سببها بتوع الأتوبيس****وش نبي فيها وهي ما تهز الا الغروس


آفة المرء اثنتان الف كاس وحب كيس****والنفوس أليا بغيت تعرفها ارم الفلوس


ينكشف زيف الشعارات إلى حمي الوطيس****ترجع الأذناب أذناب وتبقى الروس روس


صدق لا قال العرب ما يحوص الا الخسيس****ولا يوطي الروس شيئاً مثل ضعف النفوس



خااااااااااااااالد عبد الرحمن