انزين هذي احد مواقفي اللي صارت معي

لما كنت مسافر نيوزلاند للدراسة

طبعا كانت اول سفرة لي يعني ما عندي ما عند جدتي على قولة السعوديين

امي الله يحفظها لي حطت لي من كل بستان زهرة فالشنطة

عسل نحل موجود زنجبيل موجود وخبز عماني (خبز الدار) موجود

عاد خبز الدار كرتون كامل عمتي مستونه لي

حاولت افهم امي ما يحتاج كل هذا الشي

قالت امكن ما تتعود على اكلهم فالبداية فسوي الخبز وامسح عليه الجبن واكله

قلت له عادي اماه بروح الدكان وبقولهم دو يو هاف تشيز؟؟ اونه واثق من عمره

المهم ما اريد اطلع عن الموضوع

وصلت نيوزلاند ودخلت على مال الهجرة قال شو فيها الشنطة وقلت له عسل وخبز

قال لي طلع العسل ما مسموح يدخل

ابو الشباب كيف قال عسل نيوزلاند احلى

قلنا له شورك وهداية الله اخذه

المهم ما بقى لي شي الا الخبز

وصلت بيت العائلة الساعة 12 بالليل

طلع اب العائلة امريكي

قالي اسمه جيم قلتله انا سي سو (كنت بكتب اسمي بالغلط)

قالي دخل دخلنا قالي جوعان قلت له لا طيب عطشان قلت له لا

قلت له بس ابي انخمد وين الفراش وداني الغرفة وقالي تصبح على خير

انا رتبت اموري وضبطت الساعة على الساعة 5 الفجر اونه مطوع بيصلي

بالغلط ضبطتها على الساعة 4 وانا معي منبه ينهض اللي راقد بعيد عني مسافة كيلو

قوي جدا

قمت وتوضيت وطلعت من الحمام الله يعزكم

واشوف اب العائلة فوجهي اعوذ بالله من الشيطان الرجيم شو مستوي

قالي شو منهضنك؟؟ تعرف الساعة كم؟؟


انا قلت له صراحة نمت نومة حلوة وكنت مرتاح

افكره يسألني كيف كان نومك

قالي لا لا ويسحبني من ايدي عالمطبخ ويراويني الساعة اللي عالميكروويف

واشوفها الساعة 4 قلت له سووري وما متعمد

قال لي قومت زوجتي من النوم وخوفتها

قلت له سووري روحت اكل تبن في فراشي ما قمت الا الساعة 6 اصلي

هذا موقف فقط

بس المواقف كثيرة اذا عندي وقت بذكرها لكم ان شاء الله


بس يا جماعة الخير لا تفهموني خطأ كل ردودنا ما لها صلة بالسياحة

موضوع حلووووووووو مررررة
لي عووووووووودة للمتااااااابعة
واذا ذكرت مواقف فاااااااالك الطيب
يسلمووووووووووووووو