::++ فى بيت بو سالم فى الصاله بالتحديد::++

بو سالم: يا ام سالم وينه ولدج الحين بيكمل اربع شهور ما نعرفه عنه شى كل ما نتصل مغلق
ام سالم: ياحسرتى على ولدى و انا شو درانى فيه وين راح

::++ يدخل راشد::++

راشد: السلام عليكم
الكل: و عليكم السلام
راشد: شحالج خالتيه
ام سالم: لا ترمسنى و لا عندك خبر
راشد: اشعنه انزين
ام سالم: عنبوك لا سؤال و لا شى
راشد: ولله انشغلت خالوووه عاااد
بوسالم: مسموح ياولدى
راشد: وانا اليوم طالبنج طلبه
ام سالم: تم ياولدى
راشد: اريد اعرس
ام سالم: منوه تباااااا؟؟!!؟ مافينى على هالوهايف تتنقاهن من الشارع
راشد: لا بنت عمتى مزنه اريد
ام سالم: منووووه اى وحده فيهن
خالد: لا تكون العنود
راشد: هيه العنود يابوليد
ام سالم: ان شاء لله خير برمس عمتك عذبه و بخطبها لك
راشد: عنى ما اخلى منج ياربى
بوسالم: مبروك ياولدى
راشد: لله يبارك فيك عمى (يطالع خالته) يالله ما بتتصلين
ام سالم: بتصل انزين
راشد: متى

::++ يدخل حمدان ونوره وشيخه ::++

حمدان: السلاااام عليكم
الكل: و عليكم السلام
حمدان: امااايه بتصيرين يده للمره الثانيه
ام سالم: وابووويه كيف بعد هااااااااااااى
شيخه: اماااايه نوره بيكون عندها ولد ثانى
خالد: لا لله
ام سالم: يالله ياربى عنى ما اخلى منج ياربى وينك ياسالم
بوسالم: مبروك يابنتى
نوره: لله يبارك فيكم بسير اتصل على سالم و ان شاء لله يارب يرد على
راشد: ليش هو وينه
ام سالم(تضربه بالمخده على راسه): انته شو تدرى
راشد:هههههههههه انزين

سارت نوره فوق وفى طريقها شافت هندوه متعدله ونازله لانها بتشوف راشد ...
هندوه: نوره منوووه تحت
نوره: راشد
هندوه: لا و لله زين (ادور على نفسها) شو رايج فينى مرتبه
نوره: هذا كله حق للى قاعد تحت
هندووه(مستحيه): ياببوج من زود ما اعطيه ويهه الحين
نوره: انزين نزلى لا يروح
هندوه: يالله برايج
نزلت هندوه بسرعه اول مادخلت الصاله طاحت عينها فى عين راشد وقعدت عدال امها للى اطالعها
ام سالم: ما تسلمين شووه
هندوه: السلام عليكم
راشد: تو الناس يا اخت هند
هند: انزين شو قلت انا
بوسالم: ماقلتلى شى
شيخه: حمدان
حمدان: شوووه
شيخه: ليش ويهك اصفر
ام سالم: ياولدى شو فيك لا تخوفنى عليك
حمدان: مافينى شى و لله
هندوه: اصلا حمدان امس مخلص قوطى دقوس مره وحده
ام سالم: اصلا هذا كله من تحت راسج والا هو شو عرفه
خالد: ههههههههههه وجنت على نفسها مراقش
هندوه: يالله كيف منى انا اقولج بعد
راشد: خالتى متى بتتصلين
بوسالم: على رفجه انج تتصلين الحين عيل
ام سالم: انا بشرد عنك والا عنه
هندوه: تتصلون حق شوووه
خالد: يالله يالمعرس
هندوه: منوووووه بيعرس بعد
راشد: انا

هندووه من عرفت ان راشد هو الشخص للى بيعرس سكتت و قعدت اطالعه بنظره من الحزن ليش راشد بالذات هو للى بيعرس عن الباقى ...كانت سرحانه و انتبهت على امها
هندوه: هااااا امايه
ام سالم: من متى وانا ازقرج و لا تسمعين
هندوه: انزين
ام سالم: سيرى يبى رقم بيت العنود
هندوه: العنود
ام سالم: هيه العنود
هندوه: انا وايد عندى ربيعات باسم العنود حددى
ام سالم: العنود بنت فهد
هندوه: بنت عمه راشد
راشد: هيه
هندوه: انا رمست امى مارمستك
بوسالم: شوفيج جيه ترمسين ولد خالتج
هندوه: عن اذنكم بسير اييب الرقم

سارت هندوه غرفتها وكلها حزن وهموم اول مره تحس ان الدنيا جذا ادور عليها قعدت على السرير و نست سالفه الرقم الا واشوى تسمع صوت الخدامه وفتحتلها الباب

مينتى: مدام ام سالم يريد الرقم
هندوه: اندوج

سكرت هندوه الباب بكل قوتها حتى انسمع فى الصاله للى تحت يوم نزلت مينتى سالوها شو هذا قاللتهم ان هند سكرت الباب

ام سالم: يالله ياهذى البنت متى بتعقل
راشد: يالله خالوووه
ام سالم: انزين

اتصلت ام سالم حق عمه راشد عذبه وتفاهموا على الموضوع بس طلعت العنود محيره حق ولد عمها ....وخبروا راشد للى كان عادى عنده يعرس او مايعرس كله واحد

بوسالم: ياراشد هذا هو للى كاتبنه لله
راشد: حق شو ازعل بدال الوحده مليون غيرها (يطالع خالته ويبتسم)
ام سالم: هيه نعم ياولدى
راشد: وانا هب مستعيل بس لله يسامحها العيوز لازم اوين اعرس
ام سالم: ماعليك انته من العيوز انته بعدك صغير
راشد: انزين
شيخه: راشد ليش ماتاكل انزين
راشد: انا بكل بس بتخبرج هذى هندوه ليش مانزلت لين الحين ماوصل الرقم
خالد: خلها عنك الحين تلقها اتجهز رمسه
ام سالم: هيه و لله لسانها الطويل ما سلم منه حد
حمدان: هههههههههههه هيه و لله و كله اطيح فينى
خالد: عاد انته يادلوع الماما

قعدوا يكملون سوالفهم مع بعض اما فيصل كان هو ربعه يتحوطون فى العين فمروا جدام مسيد اشتهر من اربع اشهر انه فى مؤذن يا سبحان لله له من الصوت تتقشعر له الابدان يوم يقرا القراءن على اذان المغرب نزل فيصل وربيعه احمد توضوا و اصطفوا مع الناس صل المؤذن بالناس وكان المسيد كله مصلين برع وداخل على الرغم من انه صغير بس المساحه كلها للى ورى المسيد كلها ناس كانوا من اماكن بعيد وصلوا المسيد علشان هذا المؤذن ....بعد ماخلصوا صلاه.........فيصل و احمد قعدوا اشوا لين يخف عدد الناس للى كان بصراحه وايد ..
فيصل: ماشاء لله عليه صوت روعه
احمد: ياحظه و لله ياليت لو اكون مثله
فيصل: تقدر (لف فيصل وشاف المؤذن يوم شافه ماصدق عيونه) سالم
احمد: هيه و لله سالم
فيصل: هذا اخوووى
احمد: هيه و لله سبحان لله مغير الاحوال
فيصل: قم قم نسير له
احمد: يالله


تحرك فيصل صوب سالم ووقف جدامه و اول ما رفع سالم عيونه شاف اخووه
فيصل: سالم
سالم: مرحبا فيصل
فيصل: اخوووويه (يلوى على اخوووه)
احمد: شحالك فيصل (يوايهه)
سالم: ها شو يايبنكم اهنيه
فيصل: نحن ماخلينا مكان مادورنا فيه عنك
سالم: انا اهنيه
فيصل: شوصار شو للى وصلك اهنيه
سالم: قصه طويله يا فيصل
فيصل: ما بترجع البيت
سالم:...................(نزل راسه)
فيصل: شو فيك ؟؟!!
سالم: ما ادرى شو اقولك خلنا نطلع برع
احمد: فيصل انا بترياك فى السياره
فيصل: خلاص برايك
سالم: شحال امى وابووى و اخوانى ونوره و عبدالله
فيصل: كلهم بخير بس و لله خليتهم وايد يستهمون عليك
سالم: قوللهم انى بخير
فيصل: بس ياسالم لازم ترجع
سالم: ما اقدر
فيصل: شو ما تقدر ليش شو فيك
سالم: انا مريض
فيصل: شو مريض بعد انته بصحه وعافيه
سالم: انا ...............
فيصل(خايف): شو فيك قول (يمسكه من كتفه)
سالم: فينى الايدز (يصيح)