لأخوانا وأخواتنا المغتربين

أولاً كل عام وأنتوا بالف صحه وسلامه


ثانيا أكيد للمغتربين بالأعياد اجواء خاصه الغرض من موضوعي انهم يخبرونا عن هالأجواء ويحكولنا كيف يقضوا يومهم بالعيد

وانا بإنتظارهم

عطر انا مغترب بس في الدوام
وباكر راح اكون مداوم لا صلاة عيد ولا اكل حلوى ولا عيد مع اهلي والراحه اشوف العيد ولا كنه عيد باكر والله يصبرني وارجع الى اهلي

مشكوره اختي عطر:......... انا رفيقتك احزان الماضي طالبه مغتربه عن الوطن وراح احكيلك عن الاجواء عندنا في العيد:
اولا: ننتظر رؤية هلال شهر شوال وطبعا كل البنات يكونوا متجمعين في صالة التلفزيون......... وطبعا بعد اثبات الرؤيه تصير زغروووووووووووووطه جميله بمناسبة العيد...... والببنات يهنون بعضهم البعض.......... وتبدا الاتصالات والمسجات تشتغل مع الاهل والاقارب والصديقات...............في عالليله نكون مواصلين(ما ننام) الى الصبح... شنو نسوي؟؟؟؟ ونحنا سهرانييين؟؟؟ سوالف ....
الى الساعه 3 صباحا نقوم بطباخ( العرسيه).....
......طبعا تجهز العرسيه ونقوم بتناولها تقريبا الساعه 6 صباحا

في اليوم الثاني (وبعد الانتهاء من العرسيه) وعد اداء صلاة العيد......................
يروحن كل البنات للنوم...................ويتم اللقاء مرة اخرى في الساحه بين البنات بعد المغرب ............نقوم بعمل المشاكيك (وبعد الانتهاء يجهز التحضير لمد بساطات او سماطات او مفارش عل طول الساحه لوضع المشاكيك+ الحمص+ السلطه+ الفطاير+ العصاير +المشروبات الغازيه+ العصيده بالنسبه لبنات الجنوب)........ وبالنسبه للعرسيه البعض يفضل ياكلها مع طرشه والبعض مع صالونه حاره(مليانه فلفل) والبعض مع روب وثوم................

في اليوم الثالث :............البعض يسوي هالشي والبعض لا ( طلب حلويات سويسريه كعك وحلويات .............الخ) ونقوم بتشعيل الفتاك (الالعاب الناريه)

وبكذيه خلص عيدنا ............ ونتمنى دائما نخلص بسرعه ونرجع ونعيد ويا اهلنا بس ما نقدر نقول غير الله يصبرنا ان شاء الله.............ويعطيك الف عافيه اختي عطر..........وكل سنه وانتي طيبه

أشكرك أختي على التواصل


خلوني اخبركم عن أجوائي الخاصه بالعيد لما كنت أدرس المرحله الجامعيه وكنت مغتربه طبعا مثل بعض الأخوان
طبعا مثل الكل بعد ما نسمع الإعلان عن العيد تسمع الصراخ والربشه بالسكن وبعدها تبدأ الإتصالات بالأهل طبعا ونهنيهم بالعيد هاي إذا هم ما سبقونا طبعا

الصباح نجوم من الفجر نلبس ونكشخ ونروح نلف بالسكن بين الشقق ونسلم على بعض ونطلب الحل والبريان والسموحه من بعضا طبعا أنا وربيعاتي اللي بالشقه نسوي العرسيه ومن تجهز طوالي نودي لباقي الشقق نصيبهن طبعا احيانا تطلع مضبوطه واحيانا خلوها مستوره :) المهم وبعدها نوووووووووووومه للظهر
اليوم الثاني نكون مرتبين رحله أو نروح العاصمه ونقضي الليله الثانيه بالعاصمه وبكذا يكون خلص العيد






أنتظر أجواء الأخوه والأخوات الثانيين :)

يستاهلوا اخوانا المغتربين كل خيررررر

السلام عليكم ورحمة الله وبركاته
اولا عيدكم مبارك وعساكم من العايدين
انا حاليا في المملكه المتحدة في مرحلة تدريب عسكري وانشاء الله اتخرج عما قريب...العيد وما ادراك مالعيد...النهوض من النوم الساعه 4 فجرا ...نلبس الدريسcompat dress ...نرتدي الشنطة واللتي تزن 35 كيلو ونصف طابور ...يبدا التفتيش ..نصعد قمة التله الطينيه والمطر يهطل بغزارة ...انه احلى عيد يمر في حياتي فعلا لحظات لاتنسى وذكريات ستظل خالدة....
اتمنى لكم عيدا سعيدا واوقات فرحه وسلمولي علىعمان...عاشق السويح

وانا ياعطر اقول كل عام وانتوا بخير

والله كيف قضيت العيد؟

كيف
طيب

صراحه اليوم الصبح وهو اول ايام العيد ماحسيت انه فيه عيد حتى صرت انسى اقول لصاحباتي كل عام وانتوا بخير واذا عاتبوني اقول لاني مااحس انه اليوم عيد
فطرت الصبح على ساندوج بيض (( يامال ضعفا ))
الظهر عاد نريد نحسس نفسنا اننا فعيد طلبنا بيييزا انا وصاحباتي وطلبنا مشاوي بس خسارة قيمة الطلبيه لان ماحد كان له نفس ياكل لاننا نتخيل لمة الاهل فالبيت ........ولا وحده فينا تقدر تتكلم لان الدمعه طابقه....وماتريد تحسس الثانيه انها حزينه
بعد الغدا دشينا النت انا طبعا على منتدى جعلان
العصر تجهزنا ولبسنا ملابس العيد حق الحفله
طبعا البنات مسويين حفله حلوه تسللينا فيها وصارت كل وحده تتكلم عن مشاعرها فصباحية العيد وكيف كانت مضايقه
المهم
مع ذالك العيد مع صاحباتي حلو صح مب مثل العيد وسط الاهل لكن مو اي احد يحق له يعيد بين ناس من عمره وبعد يحس بقيمته مع اهله لما الكل يقول له مفتقدينك ياشيخ هههههههههههههه

هذا عيدنا اليوم وبكره بالليل حفله اكبر من حفلة اليوم وان شالله تكوووووووووووون وناسه

السلام علليكم ورحمة الله زوبركاته

كيف تقضي العيد في الدنمارك؟؟

اولا اقعد الصبح وفي اخر اربع سنين كنت اصلي صلاة العيد في البيت مع الاهل ولم اذهب الى الجامع لانه يبعد عنه 25كم يعني تقريبا احنة ما عندنا سيارة يعني لازوم نركب باص وقطار وكل هذا ياخذ 45دقيقة والخ وياريت كنا قبل ننزل وناكل ونعايد والخ لكن ما احس فيه مثل ما كنت احس فيه في سوريا اي والله
الله يلعن الغربة والله يلعن الي وصلنة الى هذا الحال
كنت في سوريا نلف على اقربنا ونحصل عيدية ونروح نفتر مع اصدقائي
لكن هون اين الاصدقاء يا حسرة هون كل من يصيح يا نفسي
وحتى انا اليوم والبارح كنت معطل من المرسة يعني غايب
بس الحمد لله على كل شيء
واليوم معزوم على مطعم ههههههههههههه

يلا مع خالص تحية محب العراق ومحب الجميع
عساكم من عوادة

بالنسبه لااخوكم راعي البوش ....



العيد في تركيا كان بس لحد ما صليت صلات العيد وبعدين نمت للعصر ولما صحيت كان الجو بارد والمطر من يومين ما توقف ما طلعة مكان ايش بنسوي هذي حال الدنيا بس اطلب من كل اخواني في المنتدى انهم يسلموا على السلطنه وايد ....



مشكور أخوي على الموضوع ......