مرحباين عوده بذاك الشوف يا هل يعلان

يالله فديت يعلان اني بس ابى حد يخبرني كيف الجو هناك


لا ني بعيده مب في يعلان حاليا ومشتاجتلها موت هيه واهلها

يالله من منكم الشاطر اللي بيخبرني بعده بعطيه حلاوه

ولا اجول يوب الهبطه صغيره يمر علينا بيتنا وبعيد له

يالله حبايبي خبروني باجي شويه وبصيح ماسكتني العبره

اباكم تخبروني كل شئ عن يعلان



تحياتي
جعلانيه والنعم

هلابج وملاين مرحبا باختي جعلانيه والنعم
الجومن مصبح الين عصرشويه حار وبعدالعصر
لاتقول قول عن الكوس والجوالطيب
وعساج تردي لاهلج سالمه غانمه
وحتى اني قبل ايه المره مشفتها يعلان 7شهور
وتقبلي تحياتي اخوج:ارنوب الكاسبي

الصراح الجو بالليل رهيب وما عليه كلام والضهر يكون حار وعن الحركه كثيره بسبب الاجازه والناس كلها في جعلانوالعروسات كثيره
تحياتي لك جعلاني للابد

يالله ويش بوصف ويش بعدد
الظهر الجو حار لكن الأشخره باااااااااارده
بعد العصر عاد ماجو تهبك أذيك الكوس
وباللبل عاد الجو مسكت

وأزيد من الشعر بيت هذولي الأسبوعيين مرتبشين فوق تحت بسب الدوري

وخلي عاد العروسات الخميس الماضي أكثر من سبعة عروسات

يالله ترجع إلى جعلان سلامه غانمه بإذن الله

هلا بيك اختي
أما أنا في أرض الحدث بجعلان الإباء
الجو اليوم للحين هواء بارد حلو الظهر طبعا يكون الجو حار والشمس قويه جدا بس بشكل عام الجو رهيب يكفي أنها جعلان
وعاد العروسات كل أربعاء وخميس ما اقل من أربع عروسات ويكون أصلا الجو الخميس بقدرة الخالق بديع ومنعش يعني شويه غيوم وبراد يجنن

وإذا بغيتي اي شي تراني حاضره آمري بس

فديتكم والله على الردود كلكم ذوق

عاد الحين بردولي فوادي يوب خبرتوني عن اخبار يعلان الله يبرد فوادكم دنيا واخره
يالله جولوا ورايه امين اعرفكم بتجولوا هههههههه
واباكم كل يوم تخبروني عنها والله يزيد ويبارك من العروسات عقبالكم اذا بعدكم

حبايبي جعلاني للابد وارنوب الكاسبي يا ولد سيح العلا وعطر النسيان واسير الليالي
مشكورين والله
اشوفكم على خير
جعلانيه والنعم

زين ما قصروا الشباب
خساره بعيده
كان تبغي اوصفلش اجواء مسقط تراني جاهزه

ويش فيها مسقط غير الرطوبه والجو الحار

والله صدجك اسير الرطوبه تذبح عل الاخر وماودك تفافرق المكيف
اما اجواء جعلان فسلامي عليها الجو حلو وخاصه بالليل روعه
جعلانيه اتمنى انك ترجعي في اجرب وقت عشان ما تفوتك الاجواء وانتي اكبد عارفتنها
تحياتي لك جعلاني للابد

يالله يا جعلاني للابد لا تخليني اصيح من كثر ما تشوقني حق جعلاان والله مشتاجتلها موت واعرف انه الاجواء هناك موت روعه ما تفوت غير هيش نسوي مجبورين بالدارسه الله لا بارك فيها
ع العموم مشكور اخوي
وان شاء الله دوم تعطينا اخبار عن يعلان
تحياتي جعلانيه والنعم