:p بسم الله الرحمن الرحيم


لكلٍ منا ذكرياته الحلوة والمرحة... التي لا ينساها طوال عمره...

في هذا الموضوع اود من كل المشاركين ان يتذكروا ماضيهم الجميل ليحلوا لهم الحاضر....

واكيد يعنى بتكون ذكريات مضحكة ههههههههههههههه

يالله عااااد نباء نسمع شقاوتكم :cool: :D

ابدو قبل ما يصير اتجدمكم خخخخخخ:D

حلوو الموضوع أختي العمر كله وانا ماضي حافل بالشقاوه

والعجيب فيه أنه كل شقاوتي ماتطيح الا فيه وأروح فيها مشتشفى

مره جالسين نلعب انا واخواني اللي أكبر مني بشئ بسيط وكنا مجموعه
وطلعت فوق السطح وأرش عليهم ماي وكانوا واااايد فرحانين وأستمريت الين مره جيت أركض من فوق السطح بس ماقبضت بريك يعني جديت تحت عندهم مخن فوق السطح الحمدلله ماصابني شئ بس انحطم عضم رجلي الايسر واشقاق فرجلي اليمنى وتكسرني ضروسي وفكي بس والحمدلله دخلت المستشفى صور ومسقط وخوله جلست سنه وحده بس 12 شهر وفي غيرها بعدين بخبركم يالله خلينا نشوف ماضيكم خخخخخخخخخخخ

ههههههههههههههه
وبعد ما صار فيك شىء هيش تباء اكثر من اللى ياك

تسلم عالمرور اولا::

اما انا فى طفولتى كنت هادية بالمدرسة بالابتدائى بس لما دخلت مرحلة الاعدادى بدت الشقاوة اما بالبيت شقية من يوم ما انولدت

امممممممممممممممممم

من مواقفى انى مرة جالسة ابكى على امى بغيت من عندهااا شىء بس ما عطتنى كانت امى جالسة برى يم بيتناا كنت اصيح واقول لهاا هاتى هاتى
ولفت انتباهى خيط طويل مربوط علية زجاجة بيبسى مكسورة نصهااا
جلست افرهااا واصيح على امى وانا مب منتبهة

وإلا بذيج الزجاجة تضرب بالدقمة ههههههههه
ونزف وايد بعدين حققو لى رغبتى بعد اللى صار


بس الحمد الله مافى تشوهات صارت لى الحين غمازة وتظهر لما اتكلم
واللى يشوفهاا يقول حلووووووووة خخخخخخخخخخخ

خخخخخخخخخخخخخ

وفي مره كنا جالسين نشغل نار يعني ((نوبه أو كشته )) وشبت النار داخل الصفريه وأحترقت فيها أني بس حروق خفيفه وماشئ تشوه خخخخخخخخخخخخخ

وفي غيرها يعني طفولتي كلها فالمستشفى خخخخخخخخخخخخخخ

هههههههههههههههههههههههه

هالكشتات دايما نسويهاا ايام اول خخخخ

نجمع من كل البنات 100 بيسة ونشترى خبز وروب وربيان دجاج

ونروح فوق الجبل ناكل ونرجع ههههههههههههههههه

اونهاا عاد كشتة

ومره كانت الوالده الله يطول فعمرها تذيب زبد داخل المطبخ وشب ومسكينه يايه تلوح الصفريه برع المطبخ سبحتني بالزيت الحار من رأسي الى ريولي ورحت فيها المستشفي 5شهور بس خخخخخخخخخخخخ وفي غيرها خخخخخخخخخخخخخ

ههههههههههههههههههههههه

مسكين ما تستاهل

اكيد بتلوم

اتاريك قط بسبعة ارواح ههههههههههههه

امزح هات غيرهااا سوالفك ما تخلص خخخ

الرسوم اللى نشوفهااا اياام زماان :D :(

ألا ليت الطفولة تعود يوما لاخبرهااا بما فعل الشباب خخخخخخخخخ:D

قلبناهااا

انا يوم كنت صغيرة ماكنت العب الا مع لصبيان!!
كنت اكره البنات!!!؟؟؟
المهم ربعي كانوا كلهم صبيان ايام الطفولة
كنت العب وياهم كورة وكنت ف المدرسة اضرب العيال!!
كنت كل شوي اتهاوش وضرب لصبيان!!
وكان ودي اتعلم كاراتية لاكن امي مارضت خافت
لاضرب خواتي!
بس عقب اقتنعت وخلتني العب كاراتية لاكن ماكملت!!
كانت ايام حلووة.. وانا وصغيرة كنت عنيدة واااااايد
ومااسمع الكلام!! وماكنت احب المدرسة!!!
كان ابوي يطقني عشان اسير وانا اقووول لا
مابسير!! وباص المدرسة لمن كان يجي كنت انخش ورا
السيارة الين السايق يزهق ويمش
وبوي عقب يجي ويضربني!!
والله انضربت واااااايد انا وصغيرة!!
..شو بعد؟؟ لمن اتذكر بجي اكمـل
بس موضوع حلووو العمركله
مشكوووووورة

هههههههههههههههههههه

مواقفكم حلوه


انا تراني ثالث اخواني

وكنا انا واخوني اللي اكبر مني نساعد الوالد في شغل البيت المهم اذاك اليوم الوالد يالسه تسوي غداء واحنا الثلاثه كنا جالسين في الغرفه ومشغلين مكيف وهي تنادينا واحنا ما نسمعه

إلا فجاة يفتح باب الغرفه وفي يدها ثلاث قلصان ستيل الاول جى على اخوي الكبير فراسه بس ما صابه شي والثاني على اختي وفرسها بعد تعرف تصوب الوالده ما شاء الله عليها

والثالث كان اثقل قلاص واكبرهن وعلى راس المسكين اللي معاكم ويطنز الدم مثل النافوره

عاد من شافو الدم يطنز خافو كلهم

بعدين شلوني لشايب من جيرانا وعالجيني بلاصف