ياصبح لاتحتار من هم عيني
تبغى الاجابه .. اسأل الليل اذا طلّ
***



ياصبح تدري كيف ضاعت سنيني
بين السهر والخوف والنزف والذل
***



اللي على قلبي بعيني يبيني
ألغاز عمري سهله ومالها حل
***




حزني وصلني ولو قطعته يجيني
علمني شلون الوفا يصير معتل
***




ضعت وشتاتك ياورق يحتويني
لاصار جرحي شمس أنا بكتب الظل
***




وبكتب عن افراحٍ أبد ماتبيني
وبكتب عن احلام لها دمعٍ يهل
***




وبكتب عن اللي خذ غرامي وحنيني
خذني وتركني يوم انا قلت له: خل
***




وبكتب عن اللي في غربتي يعتريني
فارقت لي خلان .. خلٍ ورى خل
***




ماعاد احس بـ عطر في ياسميني
وماعاد احس ان العطر يسكن الفل
***




بكذب على نفسي واشك بيقيني
مادام قلبي مني بنبضته مل
***



بكتب ابكتب لين أدمي يديني
لين اصبعي يقول له هالقلم ول
***




رحلة بدت ياليتها تنتهيني
رحلة ألم من غيمة الذنب تبتّل
***




ياصبح قل لي كيف بتنام عيني
والليل قبلك حاول ومالقى حل

ضعت وشتاتك ياورق يحتويني
لاصار جرحي شمس أنا بكتب الظل

ما اروع كلماتك اخي
وزن وذوق
وكلام يخلي القلب يرق
تحيتي لك فيما ابدعت اخي وسلمت يداك على ما خطته من ابيات
فمرحى لك هذا القلم
اخوك جعلاني للابد

تسلم على الأبيات الجميلة وتسلم على البيت المؤثر في القصيد
ياصبح قل لي كيف بتنام عيني
والليل قبلك حاول ومالقى حل
الله يعينك ويعين كل مهموم...

مشكورين على المرور
كلكم ذوق وفن وأنا أكتب القصيد من شفاتكم
الله يعطيكم العافية

يسسسسسسسسسسسسسسسسسسسسسسسسسلمو

ياحافظ عليك