[frame="4 80"]يافاتنه يهـواكِ طـرفٍ لـه رفيـف
والنفـس يدفعهـا لهيـب اشواقهـا

من شوفتِك حسيت باعصـارٍ عنيـف
هـز الضمايـر ليـن طـاح أرواقهـا

كل العيون تهيـم بـك ياكـل طيـف
كـل العيـون وصورتـك باحداقـهـا

كلٍ تخيّـل صورتـك حتـى الكفيـف
يعـرف ملامـح طلعتِـك وإشراقهـا

وكل القلوب تحب وإبـن آدم ضعيـف
ياظالمـه كــل يـخـاف فراقـهـا

الحب مايعـرف وضيـع ولاشريـف
وتخوض فيه الناس حسـب اذواقهـا

اللي عرض حبه على جال الرصيـف
سلعـه تبـاع وتشتـرى باسواقهـا

واللي ربى قلبه على الحـب العفيـف
امواج عكس امـواج مـن عشاقهـا

وحنا تعودنـا علـى الحـب النظيـف
قطر المـزون إليـا لـمـع براقـهـا

وقلوبنـا تبتـلّ بالـشـيّ الخفـيـف
واحيـان يوصلهـا الظمـا لإحراقهـا

لين الزمان ابعد وليـفٍ عـن وليـف
أرواح بيـن ضروفـهـا واخلاقـهـا

تاهت خطاها في زمن قاسـي مخيـف
وتعيـش ذكـرى عطرهـا وعناقهـا

صارت كما الأشجار في فصل الخريف
مهمـا سقيناهـا تطيـح اوراقـهـا


أخوكم الهاجس ,,[/frame]

كل العيون تهيـم بـك ياكـل طيـف
كـل العيـون وصورتـك باحداقـهـا

كلٍ تخيّـل صورتـك حتـى الكفيـف
يعـرف ملامـح طلعتِـك وإشراقهـا

وكل القلوب تحب وإبـن آدم ضعيـف
ياظالمـه كــل يـخـاف فراقـهـا

00ـــــــــــــــــــــــــ00ـــــــــــــــــــــ ــ00
تسلم أخي الهاااااااااجس وكلماااااااااات رائعة
في معانيهااااااا.
تمنياتي لك بالتقدم والرقي..
تقبل مروري المتواضع ع مشاركتك
أخوك/الحزين

تسلم اخوي الهاجس والى الامام دائما

ولاتحرمنا يديدك

تسلم اخوي على هالكلمات الحلوه ولا تحرمنا من جديدك وابياتك الجميله

لكم كل الشكر اخواني ع المرور الاروع والردود الجميله
تحياتي لكم
اخوكم الهاجس

الحب مايعـرف وضيـع ولاشريـف
وتخوض فيه الناس حسـب اذواقهـا

اللي عرض حبه على جال الرصيـف
سلعـه تبـاع وتشتـرى باسواقهـا

صح لسان اخوي الهاجس
وتسلم انامل يدك اللي خطت هالكلام الجميل

صح بدنك اختي المجنونه
كم اسعدني تواجدك بين سطوري المتواضعه
تحياتي

سلمت انامل يدك اخوي الهاجس وكلمات اكثر من رائعه

مرورك الاروع اخوي جعلاني
يعطيك العافيه اخوي