ياللي يمرجــحــك القـدر فــوق سفني

تعــبـّت منـاراتـــي تــــوادع مشــــارفك

تــدري .. يشـــرفني وصـــالك لـجفني

وادري بعــد .. حتـّى وصالي يشــرفك

وتــدري شكثر .. طاري غيابك عصفني

وادري بعــد .. طاري غيـــابي بيعصفك

يكْـثـر بـشـر .. كنت اجـهـله .. ويعرفني

ماعـــاد يـمـديني احــبك .. ولا اعـرفك

ياصـاحبي مـهـمـا حنــيـنـك .. قـطـفني

انا أخــاف الشـوك .. يـجـرح طــوارفــك

عـمـر الـزمــن ياصــاحبي .. مانـصـفني

واكذب عليك إن قلت لك فيني انصفك

لايـحـزنــك لـحـن الـفــراق .. ان عزفني

ولايـزعـجـك صــوتي ليـا نــاح عــــازفك

مـهـمـا نـزفــت من القصيـــد ونــزفـني

مــابي اكــون .. اكبر مثير .. لمخـاوفك

ابي تكون اجمل شعــور(ن) .. وصفني

وابي اكون انبل حــديث .. بســـوالفك

وابـيــك تــعـذرني .. لـيـا قلت عـفـنـي

وابـعـذرك لاقــلـت لي صــدْق عــايفـك

وابـيـك تـبـعـد .. كــل مـاقـلت شفـنـي

ولابــي تـحـلـفـنـي .. ولابــي أحـلـفــك

لاخـفـت انـا مـنّـك .. ولاقـلـت خـفـنـي

ولاقـلـت ابـي تـبـعـد على شان أصّرفك

لكن ..انا لاطـحـت .. محـد(ن) لـقـفـني

ولا أنت لامن طـحـت .. كـل(ن) تـلـقـفك



راق لي

كلمااااااااات تدخل القلب تسلمي على النقل

اقتباس:
المشاركة الأصلية كتبت بواسطة لمسات الحنين
كلمااااااااات تدخل القلب تسلمي على النقل