مرحبا.............


عندي موضوع اريد رأي الاعضاء والقراء بكل صدق:


ما هي الدوافع والمبررات التي تدفع الفتاة إلى الوقوع في حب الرجل المتزوج؟

وما هي الدوافع والمبررات التي تدفع الفتاة إلى الزواج من رجل متزوج؟







أرجو الإجابة ............... اجابتكم تهمنا وتثري معلوماتنا

صراحه مدري شو اقولج!!

مدري شوو اقول عنها هذي الى ترضى انها
تسرق ريال من حرمته وعياله!!

وللاسف هالفئة موجوده!! اشوف واايد بنات يحبن
ريايل متزوجين!! وف النهايه تاخذه وتكون الزوجه الثاانيه

واكييد السبب ف هالشي هو الريال!!
لان بكل بساطه سمح لهالبنت انها ادش حياته وقلبه!!
ونسى زوجته رفيقه دربه..والى ابد ماقصرت معه!!

ف هذي الحاله انسميها خيانه!!

لكن هناك بعض الزوجات اتكون اهي السبب ان زوجها
يحب غيرها وياخذ عليها.. لانها بكل بساطه ماتعبره!!
ماتهتم فيه .. ماتشوف طلباته!!

والريال معروف عنه انهه يمل بسرعه!! ونحصل انه
يطنش حرمته ويدور ع وحده اتحبه وتهتم فيه..
ويحس معها ب السعاده

وف النهايه الله لاييب فرقا ولا خيانة

والمفروض كل حرمه تهتم ف ريلها
وكل ريال يهتم ف حرمته

وتسلم يمناج الليدي اوسكار ع الطرح الحلووو
ونترياا يديدج

السلام عليكم

اول شي الدوافع الي يخلي وحده اتحب واحد متزووج يمكن يكوون اعجاب

او مثل مايقولون حب من اول نظرره او اشياء كثيرة بصراااحه يعني (حبه حبه ونوصل للمحبه)

أما الخيااانه هو صددق ان ينسه الزوج عشرة العمر بس بعد (لاحول ولاقوة)

اما الزواج احتمال تقددم في السن ومافيه نصيب

يعني كلن يبي نصيبه في هاي الدنياا

وفي بنات مشاء الله للحين ماجاهم نصيبهم معنى اعمارهم فوق الثلاثين ومافوق

(والله يكتب الي فيه الخير)

اسف ع الطواله

وتحياتي لج اختي

هلا اختي تسلمين ع الموضوع
تتزوج من رجل متزوج عادي
المهم الرجل يعدل بين نسوانه

وجهة نظر

تسلمين(الليدي أوسكار) على الطرح المميز لهذا الموضوع الهادف والهام
لاشك تختلف الدوافع بأختلاف الناس ومدى تفكيرهم منهم من يدخل هذا الجانب بدافع الفضول وحب التغيير أو الحرمااان والملل وتجاهل المحيطين فيه , وخاصة الفتاة التي هي أحوج ماتكون للحنان وإحتواء توهج عاطفتها في مرحلة البلوغ والمراهقه والشباب , مراحل صعبه في حياة الفتاة لاسيما (المهمله) أو بمعنى أوضح المحرومه , لذا تشعر بالنقص في محيطها ثم ماتلبث أن تبحث عن ما تحسه (نقص) في أي مكان خارج نطاق الأسره ومع أي شخص تراه بإمكانه تعويضها ذلك النقص !! أما الصورة الثانيه مالدوافع التي تجعل الفتاة تقبل الزواج من شخص متزوج , هنا الأمووور تختلف وربما دائرة الأسباب تتسع حسب ظروف الفتاة نفسها , ربما ترى في الشخص مالا تراه في غيره من الشباب أو ربما تشعر بأنها لو فقدت هذه الفرصه قد لاتتكرر مرة أخرى أو ربما تعيش في جو مشحون من المشاكل وتود الخلاص والفكاك بأية وسيله ومع أول من يطلب يدها , أو ربما تعيش ظروف صعبه وحياة (قهريه) تحت رحمة عمه تسيء معاملتها أو زوج أم لايقدرها أو يحترمها وليس بالضروره أن نطلق العنان لتفكيرنا لنسيء الظن بالناس ونحكم على الفتاة (بالخيانه) أو نسميها بـ(خطافة ارجال)

الرجل خائن

والبنت ما عندها نقطة دم

المشاركة الأصلية كتبت بواسطة ندى الربيع الرجل خائن والبنت ما عندها نقطة دم

قوووويه واااايد حراااام عليج خلطي الحابل بالنابل ومافرقتي ترى مب كل رياااال خاين ولا كل بنت ماعندها كرامه أو ماعندها حيا , ولاتنسين الريال يمكن يكون ابوج أو أخوج أو عمج أو خالج والبنت إذا أستثنينا الأم والعمه والخاله يمكن تكون الأخت أو بنت العم أو بنت الخال , يعني كلهم خونه ؟ بالتأكيد لا ولكن هناك قله قليله تركض وراء الأهواء والغرائز ومرضات الشيطان والعياذ بالله , نسأل لهم الهدايه

يا ناس يا عالم الرجل الاسلام محلله اربع ومن حقه يعرس ومن حقه ياخذ الي يباها ولا تتهمون الزوجة الثانيه بهذا الاتهام الباطل

المشاركة الأصلية كتبت بواسطة راعي صوغان يا ناس يا عالم الرجل الاسلام محلله اربع ومن حقه يعرس ومن حقه ياخذ الي يباها ولا تتهمون الزوجة الثانيه بهذا الاتهام الباطل

شو؟؟ شو ؟

بلاااك راعي صوغان!

هيه نعم الله حلل للريال ياخذ اربع لكن قال ان خفتم الا تعدلوا
فواحده..

ومستحييل ريال يعدل بين حريمه !! اكييد رح يميل ل وحده اكثر
عن الثاانيه

وهم ش حقه ياخذ ع حرمته لو الحرمه مب مقصره وياه
انا اشوف ان الحرمه الي زوجها ياخذ عليها وحده وهي ماقصرت وياه ابد!

انها تقتله!!

والزوجه الثاانيه ف نظري انها سرفت الريال من حرمته وعياله!
مب من قله الريايل تاخذ ريال متزوج!