هندسة الكون تدل على وجود الله (2)



بسم الله الرحمن الرحيم
والصلاة والسلام على اشرف الخلق والمرسلين ابي القاسم محمد وعلى اله بيته وسلم
السلام عليكم ايها القراء
اليوم نكمل ونتابع ما ذكرناه في الدرس الماضي من هندسة الكون تدل على وجود الله فبعد ان شرحنه عن الكواكب والنجوم والمجرات والحيوان والخ والتقسيمات اليوم نجي الى شلون البشرية الى عصرنا هذا مستمرة وشنو الي خلاها بهذه الدقة
فواجد الوجود خله لكل انسان وجنس خصائصة وتجسيمه فالذكر له اقسامه وتجسميه وتركيبته والبنت كذلك ولو ما موجود هذين الجنسين لا ما استمرت هاي الحياة الي عايشين عليها وجان خرب القانون الي رسمه واجد الوجود بانه اكوو احد وفر اله كل هذه الاشياء من نبات وحيوان والكواكب فمثلا شخص ما بلا تشبيه بس للتبسيط عندما ياتي لفتح ما اول شيء يعمله التخطيط والحساب ماذا والى اين والى والى وكيف
وكذلك واجد هذا الكون عرفنه بالدرس السابق بعض ما خططه وبدقة متناهية اذا شوي ناخذ لحضات ونفكر كيف جسمي مركب لتعجبنا شلون العين موضوعه والايد والاصابع والخ وكيف وضع واجد الوجود غرائز في جسم الانسان لكي الذكر يحن للانثى والعكس والتجاذب كل هذا علمود ان تستمر هذه الحياة
هسة خلي شوي نترك جسمنه على كتر ونروح الى روحنه الى الشيء الباطني بعد ما حجينا على التركيبه الخارجية هسة راح شوي نروح للتركيبة الداخلية الي نحس بيها ولكن لا يمكننا ان نتلمسها بحاسة اللمس فكل انسان من يكون بضيق يتجه الى اي شيء في اعماقه ويقول الهي خلصني من العصور الماضية الى يومنا هذا ان فمنهم من عبد الشمس ومنهم من عبد البقر ومنهم من عبد الاصنام ومن هم من عبد ذكر الرجل " عورة الرجل" كل هذني اي نعم مو تتعجبون هذه لان في فطرة الانسان موجوده انه هناك واحد اعلا منه واكثر منا قدرة بشتى الوسائل ومنهم بالاخير يتجه الى خالق الكون والى الصلاح وهو الله سبحانه وتعالى بعد تمحيص كبير
ادري اني صدعت راسكم بس خلي بعد ما حجينا عن الزي الخارجي للانسان والداخلي وكيف انه يشعر بالله وان كان بشكل سريع وهذا علمود ما اطول عليكم
احنة نعرف ان لكل سبب مسبب ولكل مصنع صانع ولكل مؤسسه مؤسّس , بس اريد افهم شلون تركب هذا الكون بدون واجد هذا الي صار النه ساعة نحجي بيه واحنة مقصرين وهذا اللطف العظيم الي قاعدين بيه من الشمس الى القمر الى الحواس الخمس الى العقل والى النعم التي تعد ولا تحصى
خلي هسة شوية نروح الى العقول اللبرالية والشوعية والملحدة الي تقول انه ماكو خالق للكون خوش شلون اجينا من ذرة وصارت الذرة الى حيوان واطور من حيوان الى انسان وسنة بعد سنه وقرن بعد قرن انشال الذيل من الانسان والخ خووش خليه شوي نمشي نقوله من اجتي هذه الذرات الاولية همين صارت صدفة ولقت روحها بروحه هذا الكلام منو يعقله غير جاهل لا يريد التصديق حتى يسرح ويمرح بكيفه
هسة خلي اضرب مثل شوية
اجوي شوية قردة شنو سوا قصيدة شكد حلو ولا وكتاب بيه قصائد
اول شيء اجوا القردة الى المكتبة لكوا الاحرف ركبوها طلعت قوافي مال قصيدة ومسطرة وحلو وقافية بس تشتهي تقراها لا مو بس هيج راحوا للطابعه اخذوا اوراق وطبعوا الكتاب ونزلوه للسوق حتى يبيعوه وبدون مسبب همة بكيفهم وسووا وعملوا ولا اكو مسبب بالله هذا حجي,وهنا اختم درسي الثاني وان شاء الله في الدرس القادم سوف ناخذ انؤمن برب لم نراه

والسلام عليكم ورحمة الله وبركاته

		منتديات جعلان > جعلان العامة > جعلان للمواضيع الاسلامية
هندسة الكون تدل على وجود الله (2)

حسابٌ واحد لجميع خدماتنا !