الله يسلمكم اليوم كنت رايحة مركز لوى الصحي .. وعاد حبيت أنقل لكم الاجواء و أحوال الطقس فيه خخ .. بس قلت عشان نسوي كوميديا شوية خخخ ..36_15_8[1].
عاد يلست الأخت عاشقة لوى على الكرسي تتريا دورها .. عطوني رقم 11 و كان قبل شوي منادين رقم 6 ..!! ياربي درب طويل بعده .. يالله عساهم يملوا اللي قبلي و يروحوا و ينفتح ل المجال >> شريرة خخخ ..

يلست أتريا دوري و اللي تيي حرمة يايبة بنتها يحليلها بلا نعال و متبهدلة ولابسة فستان بعد ,,_ فستان حق مستشفى بالله عليكم في هالحره .. و ياليته مكواي بعد.. يحليلها البنت رحمتها بلا نعال .. و أمي قاعده عدالي مب منتبهة و يوم شافتها قالت .. تو انتيه علامج ما تلبسي بنتج نعال ... ما تعرفي ان المستشفى فيه الصاحي و المريض ؟ .. قالت .. كنا مستعيلين .. ماشي وقت .. قلت لها أمي .. لو يعني نعال على دربج .. ردت تقول صح اليهال ما يصير يمشوا بلا نعال (( عيل يوم تعرفي ليش ما تلبسيها خخخ ))
..المهم الحرمة تمت واقفة لأنه ماشي مكان ... الكراسي كله فل .. و عاد أنا مسوية عمري هادية و طيبة خخ .. رحت لها قلت لها تعالي قعدي مكاني .. قالت ..
حشا لا و الله .. قلت لها تعالي بنت الحلال .. يلسي بنتج .. قالت لا لا لا .. أنا بروح أييب لها دوا ( و شردت مول ... و الله ما سويت لها شي قلت لها بس تعالي خخخ ) ..
رحت و يلست ... و نادوا رقم 7 .. و أنا أترييا .. يالله تفرجها ..
و بعدين كانوا عدالنا حرمتين يالسات يتعارفن بس ما انتبهن لبعض و يوم انتبهن :: ((هلاااااااا ,,, اشحالج ( الداة ) شخبارج ؟ و شو مسوية ..
بخير الحمد لله اشحالج انتي .. عساج بخير .. وشحال ( الفريخات ) ..اليهال .. بخير و الله انهم ميننين ابنا هالربشة بس الواحد وش يسوي بعد .. عيل شيخة يات من العين؟ .. .. لا.. وراهم عرس يالسين يتزهبوا بعدهم ... ( و انفتحت سالفة عرس ..)) و هلم جرا .... و يلسن يدقن سالفة طويلة عريضة ... و الا اسمع الممرضة تنادي .. روية .. روية ..
و هن ما عندهن خبر .. رحت قلت لها عموه انتي اسمج روية ؟ طشت الثانية .. أنا اسمي مريم . تو هذي من سألها .. خخخ .. .. ردت الأولى هيه اسمي روية .. قلت لها عيل دورج راح صوتها الممرضة و هي تنادي .. قالت .. واااااابويي .. يالله عيل الدايوه اترخص عنج .. حاية أمارة ؟( في خاطرج شي ) لا الدايوه سلمي على جماعتج .. انزين قربي معنا ( وين تقرب ف المستشفى ! ) لا و الله الفريخات ف البيت بعد ولازم أسير لهم .. ( و أنا محترة بسج سوالف روحي روحي وراج غيرج .. المهم سارت ..

و انا أتريي ..
و لا يي واحد من الرياييل ( بعد شي من الرياييل غير شكل .. بشوري أعضضهم ) .. و يلس يدق الباب .. و يدق و يدق .. تو انته علامك تريا دورك شروانا .. ولا روح سوالنا وسع .. و يالسة أتحرطم بس شوي شوي .. ولا اشوف وحده شغاله رايحه صوبه بس عليها لسان يفي بالغرض.. تو انته علامك ما شايف الحرمة داخلة قبل شوي يالله قوم منا اتريا دورك .. مأذي خلق الله .. و راح مسكين ما قال لها كلمة ..رحمته و الله بعدين ..

لين قالوا 11 زاغ فوادي .. رحت عاد و نيموني على ذاك الكرسي الغاوي مريييييح .. تخيلت عمري ع البحر .. عاد الدكتور واحد سوداني .. قالي شو مشكلتك .. قلت له و الله دكتور أحس شي مخزن تحت ضروسي .. قالي نعم ؟! قلت له فتحه فتحه .. قالي افتحي اشوف .. فتحت و يلس يضربهن ضرس ضرس لين ما صرخت قال هنا الفتحة راح أسوي أشعة .. نادى الممرض يسوي لي اشعة .. وصل الممرض و يلس يحرك الكرسي بالآله فوق و تحت .. و أنا فرحانة عايبتني عالسالفة كني على مريحانه ..

خخخ و بس ..


من خلال هالموقف أريد بس أشير لحالنا يعني المستشفى مكان عام لكن فيه الكثير من السلوكيات الخاطئة .. اليهال متبهدلين و الحريم سوالف قناة الجزيرة معاهن ... و أشياء ثانية .. متى راح نتطور ... متى ؟

.. اسمحولي فضفضة ما منها فايدة .. بس حبيت اثقل دمي شوي خخخ

اللي ما فهم كلمة يخبرني عشان أشرح له 36_15_8[1].

كلام صحيح عاشقة لوى
وسلوكيات كثيره

جعلاني يا و ما قرا شي غير الاخير ..
بس يمكن فرحان اليوم بنعذره هههه
تسلم يا جلعاني ع المرور

"هههههههههههههههههههههههههههههه"36_1_20[1]. اجول عاشقة لوى ليش عاد ماخذتي أسبوع تستريحين في المستشفى " صراحه زين الواحد يطرحلنا مثل هالمواظيع"يسميها "يوميات من حياتي"36_15_5[1]

خخخخ
مشكور على المرور
تدرى هذاك اللي يدق الباب يشبهك الخالق الناطق خخخ

قصة جميلة ولها مغزى عاشقة

شدي حيلك واغسلي اسنانك يوميا علشان السوداني ما يخربهم عليك كلهم

لانه مسونها فولد عمتي وسوله عملية

وكذلك علشان تنطقي السين ما تقولي ثين

واصلي تألقك

تستاهلين السلامه<<<<<<<< الي يسمعني يقول البنت مسويه عميه



المهم صح وايد في سلوكيات غير متحضره عندنا خاصه الشرقيه وبذات

مستشفى صور ياخي في بدو دوم هناك اذا واحد منهم مرقد كلهم يروحو

ويترسو الغرف ويجلسون برع مسوين زحمه والله حاله


وسمحولي على الراي

ونحن ما يردون علينا:(

امزح وياك

هههههههه
اجدتي الصياغه عاشقة لوى
تسلمي

هههه إن شا الله سي ساو ولا يهمك

شكرا ذيب على المرور و الله يسلمك > سالفة قديمة خخ ،، وايد منها هالسلوكيات و نحن إن شا الله اللي بنغيرها

شكرا ريم الفلا ،، ترا شو نسوي فاضين قلنا نصيغ قصص من الواقع خخ