إذا المرجــلة لبس شمــاغ وعقـــال..!!




إذا المراجل لبسـة شمـاغ وعقـال
قـل للعـذارى يلبـسـنّ العمـايـم

ما عاد يفـرق زول حرمـه ورجـال
دام الفعايـل تشبـه البعـض دايـم

المرجلـه مـا هيـب كلمـه وتنقـال
وتروح ما راحـت هبـوب النسايـم

وإلا خشونة صوت أو رفـع الأثقـال
أو رزة صـدور وفـعـل الـزلايـم

ولا هي بعد مفتـاح موتـر وجـوال
وإلا ردى لسانـن حديثـه شتـايـم

المرجله شيمه عـن القيـل والقـال
رفيع نفس (ن ) حـر بالجـو حايـم

المرجلـه عقـلٍ وزن وزنـه جبـال
ودون العقـل وش فرقنـا والبهايـم

يا مسندي لو مايل الوقت بـي مـال
يا ولـد أبويـه يـا عظيـم العزايـم

يا معرب الجدين مـن العـم والخـال
يا نخـوة المفـزوع وقـت الهزايـم

المرجله يا خوي هـي طولـة البـال
هي العـزم هـي الصبـر فالظلايـم

فيهـا الكـرم عـزه دلـه وفنجـال
فيها الكرامه عن ردى الطبـع شايـم

والدين لامنـه خـذا القلـب منـزال
مشى طريق الحـق وابليـس نايـم

ومن لا عرف ربه في طيـب الحـال
لابـد وقـت الضيـق بالهـم هايـم

حتى صلاتك مـع جماعـات ورجـال
في خيرها يـا خـوي نعـم الغنايـم

ولامن نصف ليلك قم صفـي البـال
يا عظم أجـرك بيـن ساجـد وقايـم

ولا من رفع ربي لـه كـل الأعمـال
حسن الذكـر لا قالـو فـلان صايـم

وخلك شريف القصد يا طيـب الفـال
سـوء المقاصـد فالبيـوت الهدايـم

واحذر تبيع النفس فـي دب الأنـذال
وتتبع خـوي إبليـس راع النمايـم

النفس خيـل لـك إذا كنـت خيّـال
ومن لا قوى نفسـه قوتـه الهزايـم

ولا صرت ما تدري لو يش أنت رجال
والله خسـارة فيـك ذبـح التمـايـم

هيه والله صح لسانك يا الشاعر..

المشاركة الأصلية كتبت بواسطة حور جعلان هيه والله صح لسانك يا الشاعر..

شكرا ع المرور يعطيك الف عافية ع المتابعة
المتالقة
وجزاك الله الجنة

جميعا" ان شاء الله..

صح لسانك ... ابدعت كعادتك مبدع

المرجله شيمه عـن القيـل والقـال
رفيع نفس (ن ) حـر بالجـو حايـم

المرجلـه عقـلٍ وزن وزنـه جبـال
ودون العقـل وش فرقنـا والبهايـم

إبـــــــــداااع بكــــــل معـــــنــى الكــــلـــمــــــة

صح لسانك ولا هنت وعساك عالقوووة

:) :) :)

القصيده

لشاااعره نوف العتيبي

للمعلوميه

تسلم يا الولهان
صح كلامك

اشكركم كلكم من دون منازع