صماخي كعادله اسبوع مترشم روحت العيادة عشان اسويله تنظيف
حطينا لزقة الكرت عشان نحجز دور عند عيادة الاذن وجلسنا انا واختي
قلتلها : تصدجي ملاحظة على الممرضات اذيه الزمان ما لهن بارض ابدا
ويعاملن الناس بفوقية وايد ..واذا هاريتيهن عشان شي بينزعن فيج بسبب ومن دون سبب
الحين وحن جالسين راقبي بس ..

قعدنا ننتظر واشوف فيه حريم يين بعدنا ودخلتهن قبلنا ..قلت لاختي بروح اتشوف متين دوري
لما وقفت ابا اكلمها كانت غرفة الدكتور مفتوحة وهو يشوفنا والممرضة مشغولة تفاتن العيايز
الدكتور قالي كم إن فدخلت

قالي نادي الممرضة علشان نسوي غسيل..رحت اناديها قالت انتي عالجتي ؟؟ بعده دورج..قلتلها الدكتور ناداني ودخلت كان فاضي..قالت انزين جلسي انتظري..قلتلها ليش؟؟ قالت بس جلسي..جلست سيار اختي وقلتلها تشوفي الممرضة اقولها الدكتور يباج تقول جلسي انتظري تفاهمي معها
قامت اختي وقالتلها : اقولج اختي عندها غسيل ليش ما تدخليها؟؟ شبت فينا جدام الرياييل وحن نكلمها بكل هدوء : اول بدخل الشايب بعدين هي الشايب يحرس منن قبلها ولا تبني ادخلكم رباعه واصلا هي داخله من دون دورها وووو

ما كان لها داعي ابدا العصبية ..المفروض ترد علينا بهدوء حن مب ماشيين نفاتنها

جلست بعدين نادتني عشان ادخل دخلت وجلست على كرسي المريض هي بدل لا تدخل وتخلصني راحت تنادي مريض ثاني واني جالسة انتظر يسوولي غسيل
لا بعده ريال ..بعد ما خلص الدكتور مع الريال قالي انتي تبي غسيل صح ..قلتله ايوه قالي ليش ما ناديتي الممرضة ؟
قلتله: ناديتها قالتلي دخلي وعلى حطت ايدك جالسة انتظر من اذاك الوقت
قالي: هاريها مرة لانها ما بتيك بسرعة ..حتى الدكتور متضايج منهن ..وعاد قعد يتشكالي لاني جلست اكلمه بانجليزي ..قال الممرضات وايد عيازات ويتاخرن فمناداة الاسماء ويخلن الناس ينتظروا وايد
و و و و

قلتله: تراني ناديتها قبل ونازعتني علشان قلتلها تعالي والحين اذا هاريتها بتنزع مرة
بعد هيييييييش يات ممرضة ثانية وهي ساعدت الدكتور معي


فعلا يخلوك كأنك تشحت منهم لما تعالج

عشان جذيه دائما اتعايز المجمع