الوصل ( جنه ) .. والغلا (غيره) وطاري البعد ( نار )
و( الشك ) شيطان القلوب .. الي يعكر ودها
والجرح / ما هو يحس به / كون الجريح المستثار
وضلوع صدري عانت جروحك .. وضاقت حدها
ما كل جرح ٍ /تقدر تشافيه .. كلمة واعتذار
بعض الجروح .. يفت بنيان الغلا .. ويهدها
ما تشوف قلبي كل ما اقفى منك وقف واستدار
عجزت وآنا كل ما نفسي تروح .. آردها . . !!
" اغليك ايه .. واعشقك ايه " .. لكن الجرح عار
معطيك من قلبي ثقه .. وآثرك منت بقدها
بغيت اسامح تالي ذنوبك .. لكن قلبي استخار
وباقي غلاتك وقفت كل المدامع ضدها !!
مع السلامه .. جعل مالك في ربا الاظلاع دار
والعشره الي قد مضت وياك .. لابو جدها !!
كذاب ما حبيتني / وتقول لي ميت واغار
وجمايلي لو عشت عمرك ما عرفت تردها
يا من تغيب وتزعل وكنك علي طلاب ثار
السالفه اكبر من الغيبة وداعي صدها !!
فقعت كبدي .. في تلايا اليل واطراف النهار
الين ضقت وملت ضلوعي .. وباحت سدها
مشغول .. ومقفل .. (لايوجد رد) .. تحويل .. أنتظار
اضيق منها واستضيق ان طولت عن حدها ..
منقووووووووووول