منتديات جعلان - عرض مشاركة واحدة



><><><><><><><><><><><><><><><><><><><><><><><><><><><><><><><><><><><><><><><><><><><><

خالد: هاه تحمل تنسى الي وصيتك عليه!
جاسم: من عيوني بووليد.."التفت لنوره" هاه ام هيثم تأمرين ع شي؟؟

نوره: سلامتك..تروحون وتردون لنا بسلامه..

سولاف حاضنه عذرا ودموعها ع خدها: ابويه.. دعواتك لنا

خالد: هلله هلله ادعيلها بالريل الي يفكنا منها هههه

..: هههههههههههههههه

سولاف: يوز عنيه..مالي خلق طنازتك
صقر: فديتج السوس لا تنغثين..تدريبه ها غثيث من يوم ختلق

خالد: طاع هذا..هيه انت..انت ساير تعمر ف بيت الله..

جاسم: بس ياعيال..نحن تأخرنا..ما اوصيكم بالبيت وامكم.. وكل شي ولا عذرا لاحد يزعلها..

خالد: ياحظها ياطماطه..الكل يوصي عليها

..: هههههههههههههههه سم ع البنت..

صقر: هيه انت السبال..لاتصك بنتي بعين..ترا يقولون العيون مدوره تأكل هههههههه

خالد: لا تخاف عليها..ابوها صقير كل يقرا عليها..محصنه العين ماتلحقها..

جاسم بحزم: اذكر الله يا صبي..
خالد: هاه بسم الله..بسم الله اتفل عليها

سولاف: وييييع..والي يرحم والديك لاتتفل!

صقر: هههههههههههههههه ياله ابويه بنسير تأخرنا..

جاسم: يله ياعيال..فمان الله
هيثم: بوديكم المطار
صقر: مايحتاي بنروح فسيارتي..فمان الله

نوره : الله يحفظكم..ويسهل دربكم ويتقبل منكم..وترجعو بسلامه..

..: اميــــــــــــــــن

><><><><><><><><><><><><><><><><><><><><><><><><><><><><><><><><><><><><><><><><><><><><

عصر روحت بيت اهلي...و ع المغرب صارت الصدعه واجتمعت العايله كلها العرب فالميلس والحريم فليوانا..
"لحظه نسيت اقوللكم..ترا اني م لقيت راشد عند اهله..من نزلني مصبح م شفته"..

المهم..اشتل الليوان من الخراريف..والضحك..وأمي ومرايم مفتتنات فمطبخ..
وبنسبه لي كنت عندهن ومب عندهن فنفس الوقت..يعني كنت عندهن جسد وفكري كله عند راشد..هينه؟
وليش مرد لين ألحين؟؟

فاطمه: هاه العروس..لين ألحين م سمعناه صوتك! خبرينا كيف العرس ماعك؟؟

شيخه دق احلام فذراعهي: أحلاموه؟؟

أحلام: هــــــاه؟؟؟
فاطمه: هههههه لا الاخت شكلهي مب معنا!

أحلام: لا يادبه معكن..بس افكر اروح اساعد امي
مها تمد ايدهي بحركه تضحك: سمعن ينون.. حد تيه راحه ويقول ابا اشتغل؟؟

شيخه: هههههه يمكن راشد يينهي
"أحلام ثارت ودخلت حجرتها "
مها: من صدقهي زعلت؟؟

شيخه: خليها عنك..اصلا من يات عصر وهي علي اذيه الحاله..
فاطمه بخوف: شيخه..م سألتوها هيش فيها؟؟ يمكن م رتاحت عن راشد!

شيخه: امي سوتلهي تحقيق..بس مشي فايده..
تقول م فيه شي م فيه شي! مها تعالي براويك الفستان الي يابته لي الحلم..

فاطمه: الحماره..اني بعدي اكلمك
شيخه: اوووه..دوريلك حد غيري تستجوبيه
"وسحبت مها معها"

فاطمه التفتت لهدى الي جالسه سيارهي: هدهد..روحي تشوفي ربيعتك هيش فيها!
هدى بهدوئها الي الكل اعتاد عليه بعد طلاقها: من؟؟

فاطمه: أحلاموه..ماده بوزي شبرين..
هدى: خليهي علي راحتهي..
فاطمه: مالت..حشي محد يقعد معكن انتن..لو كان جالسه عند بو عيال كان احسن..

مريم تحط صينية القهوه قدامهن: جربن..

"داخل الحجره"

أحلام ماسكه تيلفونهي وهي بين مد وجزر..
"اتصله اشوف هين روح؟؟ لا لا هو نازعني..لازم اسوي لعمري كرامه..
واخليه يعرف انه م يهمني غاب ولأ لا!
يا ربي الهمني الصبر
ياالله هيش اسوي؟!"

مها تدق شيخه الي واقفه تقيس الفستان عليها: اقول..شكلنا ازعجنا احلام
شيخه: هيش قصدك؟؟

مها: لا بس شكلهي تبا تكلم ريلي وحن قعدنالهي..
شيخه: هههههههههههه تكلم من؟؟ رشود؟؟ هههههههههههه

مها: اشفيك تضحكي؟ علاقتهم مب زينه؟

شيخه: لا ياالهبله.. اني قصدي متخيل راشد واحلام كيه يعني يتغزلوا بعض!
مها: روعتيني..

"عند احلام"

تنهدت بصوت..بعدها قررت ترسل له رساله فاضيه وتشوف اخرتها معه..

"ف الميلس"

صالح: ومحمد خويه معنده غير ينازع الهنود..انته تعال هنيه..
وانته لاتسوي كيه ولأ بدق راسك بالمطرقه.. هههههههههههه ينن الهنود مساكين..

حمد: حقه عمي..الاه ان ماصلبتهم بسرعه..مب لاحق فيهم بعدين هههههه

بو يمعه: صدقت ياولدي.."التفتت لأخوه بوراشد " ولدك راشد هين حتى ف مسيد مشفته..

بو راشد: والله معرفه..من نزل أحلام م شفناه..
بو يمعه: هيش يعني م شفتوه؟؟

بو راشد يكمل فنياله: هيش يعني بعده؟؟! اقولك الصبي من نزل حرمته م شفناه..
وأحلام دخلت علينا عصر قالت يا رجد ظهر وبعدها طلع قال عنده شغل..وبيرجع!

بو يمعه: عساه خير..

سعد يصب فنيال قهوه: حماديه..اقول انته علي هيش شايف عمرك؟؟
حمد: لهيش تقول كيه؟
سعد: يوم ارسلك ليش م ترد؟؟

حمد: اوووهو تذكرت اني لين ألحين ملقيته!
صالح: هيش هو؟؟
حمد: التيلفون..غيبه جسوم فقدته ان شاء الله..

سعد + صالح: هههههههههههههههههههههههههههههههههههههههههههههههه
سعد: داواك؟! نعاني فيك هههههههههههه

حمد: سكتو سكتو ولأ بخمكم بكس..

صالح: هههههههههههه
محمد مبوز: سعد صبلي فنيال..
سعد: الدله سيار يمعه..يمعه..صب لبو جاسم

يمعه من تحت رموشه: مشتغل عنده..
حمد: افاا..بو محمد
صالح بحزم: يمعه هيش اذيه الكلام.. صب لريال وعن المصاخه
يمعه بعصبيه: تقول لي اني مصاخه؟؟
سعد: هو ههوووه..بس بس روحي بصب لخويه..علي رأسي بوجاسم

ثار محمد واقف: بس ماابا قهوه..خلي يمعه يشبعبهي..
صالح: اقول قعد قعد..ألحين بيبو العشا قعد

محمد: بروح وبرجع..
حمد: بنحرسك..لاتروح بعيد..
"بعد ما طلع محمد..التفت ليمعه" يمعه..هيش فيك علي ريال؟؟

يمعه بضيق: كيه..محبه..كيه سبحان الله صرت مطيقه..م يدخل مزاجي بهو..

"طلع محمد..ومشي صوب الزراعه وصار يشوف الزرع وهو يفكر ف الي صار داخل..
يمعه فيه شي..يمعه متغير عليه..هو صح كانت علاقتهم مب قويه..بس ماكانت مثل ألحين..
فجأه سمع صوت بكى من صوب المطبخ..
يبا يروح يشوف السالفه..بس ريوله معنده..ف الأخير قرر يروح صوب المطبخ..وهو عند اول درجه.."

هدى تمسح دموعها: خالتي انتي تعرفي اني من بعد م تطلقت عفت العرس من اساسه!

ام يمعه تهديها: اني متأكده انك بتغيري رأيك بعدين..قصدي من تعيشي معه..

هدى: لا م عتقد..خصوصا انك تقولي عمي محمد معترض..وم يباني..
ام يمعه: معليك منه محمد..انتي بس شاوري عمرك وان وافقتي عليه اني بقنع عمك بروحي..
يابنتي انتي مشفتي حالة يماع..حالته حاله..كله مكشر و....................

"م سمع الباقي..ألحين فهم ليش يمعه متغير عليه...مب اذيه المهم...
المهم ألحين قلبه الي بدا ينزف من داخل..من صميم...حاس كنه شي يقطع قطع..
ما كان حاسب حساب اذيه اليوم..اليوم الي بتعرس عنه..ماكان متوقع انها بتوافق علي غيره..
مسك اليدار الي جدامه وصار يضرب راسه به بقوو..لين صب دمه ع ثوبه وجبهته صارت كلهي دم..

سمعت هدى صوت حركه برا ف طلعت بسرعه تشوف هيش هناك ونصدمت بشكل محمد الي كان ويهه كله دم"

هدى بشهقه: هاااا..محمد..
"نزلت درجتين وصارت جريبه منه وايد..هي محست بشي..بس هو حس انه جربها منه طفا شي من حرارة يوفه"

هيش فيك؟؟ هيش كل اذيه الدم؟؟

"محمد كان مكتفي بشوفة عيونهي والخوف الي بان عليهن(تحبني..بعدهي تحبني)
مسكت هدى طرف كم ثوبه وسحبته داخل المطبخ..وقفت جدام المغسله وهي مرتاعه متعرف هيش تسوي"

التفتت له وهي ترتعش ودموعها صبيب علي خدودهي: هيش اسوي؟؟ كيف اداويك؟؟

محمد بهدوء: داوي قلبي قبل يرحي..
هدى تصنمت فتره..بعدها نطت الستور ويابت شاش وكركم.. جربت منه..
بس كان محمد اطول منهي ف مقدرت توصل ليرحه: محمد قعد..م لوف يبهتك..

قعد محمد علي ركبه..وبهالحظه دخلت مريم عليهم
مريم بشهقه: هااا.. حمود..هيش اذيه الدمان..؟؟

جربت من هدى الي شلت مصره وحطته علي كتفهي وصارت منهمكه ف مداواته..
مب حاسه بالي حولهي: هيش صاير قولولي..؟؟؟

بلع محمد ريقه: مريم مب لازم تكبري السالفه..يرح صغير مب فيه بأس

صارت مريم تابع حركت هدى وهي تمسح الدم وتحط الكركم مكان اليرح...
تابع هدى الي روحت بعيد..روحت كم سنه وراء يوم كانت هي المفلوعه..
ومحمد جالس يداويها..ألحين انجلب الموقف..غطت دموعها عليها عن تشوف
من كثرهن..وصارت تشهق بصوت يقطع القلب..
ومن دون م تحس عورته بظفرهي..

محمد مسك ايدهي ورفعها عنه: اااااي..
هدى تنشق عبرتها: Sorry

مسكت عنهي مريم الأدوات وكملت لف الشاش علي رأسه..اغسلت هدى ويهي والتفتت له وهو يثور: وألحين؟؟

محمد: ان شاء خير
مريم: ياهل انته؟؟ياهل؟؟ قولي من فلعك
محمد ابتسم ابتسامه عذبه خلت هدى تذوب..: ولدك فراس
"خذ مصره من هدى وطلع"

مريم بضحكه: سمعي ريلك هيش...؟ اسفه قصدي..هدى والله نسيت..
هدى بهدوء: مب مشكله...
"خذت دلة الشاهي ووقفت عند باب الي يودي للليوان" هاه مب يايه؟؟

مريم: هاه؟ بيي بيي...

><><><><><><><><><><><><><><><><><><><><><><><><><><><><><><><><><><><>