منتديات جعلان - عرض مشاركة واحدة - ≈{ يُـڳفُيًنـٌي مُـنًـڳ -»بُسًمـٌتَڳ «- ۉۈٱغٌلًـىْ ٱڶهـٌدٱيًـٱٱ ضُحٌڳتك



الى مدونتي العزيزة

الى من تركتها وحيدة لفترة طويلة

للتي كانت ملجأي الوحيد للتعبير والتشفير

اجد نفسي مقصرا في عدم الاهتمام بك

وتركك مهجورة

فلتعلمي مدونتي انقطاعي لم يكن بسبب اهمالي

فانتي تعلمي كم انتي قريبة الى قلبي

وانتي الوحيدة اللي تشاركيني اسراري<<<<<<<<على اساس انه الاعضاء ما يشوفوا ردودي فيك

المهم يكفي مقدمة باردة

انقطعت عنكم وقل تفاعلي لكثرة الشغل والانشغال وزاد الطين بلة الكمبيوتر ما يكتب عربي

فادخل اشوف من بعيد لبعيد واللي يشوف اسمي مسجل يعصب يقول ليش يدخل بدون فايدة

واخيرا رجعت البيت بعد غيبة طويلة وبتكون عندي اجازة محترمة ان شاء الله

عاد مشي رجاد بعد صلاة الصبح اروح صور ارجع الظهر

اخذلي قيلولة وعصر العب كووورة

غير البق والصامت كرهني حياتي مدري وش يجذبه لوجهي

عاد بارحه مشيت افصل 4 ثياب

كل ما فصلت ثياب رحت فترة بعيد عن البيت ورجعت تختفي ثياب

ثيابي كلها جديمة وناقعة

الحين لازم افكر في طريقة انه ثيابي ما تختفي

المشكلة انا وخوتي نتلابس

وعاد تعالوا دوروا الثياب البيض اذا ما فيهن علامة مستحيل تفند ثوبك

اليوم زادت عندنا مولودة لأخوي

وعاد مشيت عنده اتعشى<<<<< يعجبني مال بلاش

احس العشاء واصل الحد مني ما قادر اتحرك

المهم اوصيكم في اخر هواتي انكم تشربوا كوبا من الحليب قبل النوم

يقولوا انه ينظف مجاري التنفس من ذرات الغبار

المهم نتلاقى على الف خير ان شاء الله