في أمان الجرح يا ذيك السوالف
بعد ما خانت ظنوني ظنوني
عرفت الغدر هو كذب الولايف
جروحك علموك وعلموني
نزل دمعٍ وبعض الدّمع واقف
سأل عن باقي طيوفك عيوني
أنا كلّ المشاعر حيل خايف
أبسدل هالستار وساعدوني
وداع وكلمة التوديع آسف
وإذا باقي لكم غدر اعذروني
حبيب الكلّ فيني الصّدق حالف
أموت الصّادق اللّي تعرفوني
سألتك هو بقى للناي عازف
يغني للحزن مرّه بدوني
وإذا صار الحكي كلّه حسايف
بعد ما أروح يكفي تذكروني