منتديات جعلان - عرض مشاركة واحدة

 · 01:19 PM

- .. إيش كآن فصلك في أول إبتدآئي ؟ يعني ( أ , ب , ج ) ..

أعتقد (ج)

- أول مدرس/ه جآكم بالفصل ( بأول إبتدائي ) .. ؟ على الأقل الإسم الأول..

أعتقد أستاذة منيره

- أول مشكله أو مشآده حصلت بينك و بين أحد التلآميذ .. ؟

صف اول ابتدائي بنات الاستاذة منيره توام كانن يغارن مني لاني الأولى عليهن ودوم يضاربني
بس اني م اسكت لهن اروح اخبر امهن وتعصب عليهن
والحمدلله م كنت اصيح

- من كآن يلبسك ( ثوبك / مريولك ) بالإبتدائي .. ؟

بروحي متعوده بس أمي الله يحفظها تشيك علي عقب
أمي كذيه معودتنا كلنا أخواني حتى اللي فالروضه
بنفسنا نلبس بس هي تعدلنا عقب

- كم قلم ضيعت بأول إبتدآئي و هل كآن ( أبوك / أمك ) تهآوشك عليه.. ؟

وااااااااايد أبوي لا بس أمي مرات

- هل بكيت بأول يوم درآسه .. أو خليت ( أبوك / أمك ) يدآوم معآك .. ؟

لا أبد م صحت وكله كنت أروح بروحي المدرسه فالباص فأغلب المراحل للعلم كنت برى عمان يعني غربه

من أوصل المدرسه وأشوف بنات غريبات تكون فيني صيحه بس كنت مستحيل أنزل لو دمعه

أبويه عودني على أشياء
نادر الأهالي يسووها

حتى يوم دخلت الكليه كنت خايفه وقلت لابويه ابى امي تروح معي قال بتروحي وحدك انتي ما ينخاف عليك

وخلاني عند باب السكن وسلمني المشرفه ومناك وحده
هم فصوب واني فعالمي الجديد بس الحمدلله مرتاااااااحه من هالناحيه
الله يحفظه ياااااااارب
هع

- هل كنت تغآر من أحد التلآميذ .. مع ذكر السبب ؟

لا الحمدلله أني والغيره ما نتعارف
بس كان في بنات يغارن مني
مع اني مسكينه والله مسالمه ما آذي حد

- بالمتوسط .. هل حسيت إنك كبرت .. ؟

اكيد فكل مرحله اطولها احس نفسي أكبر من قبل

- كيف كآن شكل كتبك الثآنوية .. ( مكتوب عليهآ شعر , مرسوم عليهآ ,نظيفة ) .. ؟

يووووووووه كنت دحيحه ولا شخبطه بس الدروس أول بأول
أما الحين كتب الكليه كلهن شخبطه من كل نوع

- هل خآلفت الأنظمه .. كم مره .. إذكر لنآ إحدى المخآلفات .. !

فالثانويه لما درست عمان كان دوم ثوبي طويل ويوم التفتيش كنت ارفعه شويه
بس مره كشفوني ونفس الوقت م كنت لابسه كفر
وطلعوني من الطابور لكن طرت من وسط البنات المخالفات عاد كنت3 ثنوي مابى مخالفات على آخر سنه
وعدت سليمه الحمدلله

- إذكر لنا بعض الألقاب التي أطلقت على المدرسين .. مع ذكر السبب .. ؟

البومه
أستاذتنا الله يحفظها كانن عيونها كبار
عاد كنا اول اعدادي مصجع

- هل أخذت رئاسة فصل أو مسرحية أو إذاعة أو مآ شآبه..؟

رئاسة فصل وإذاعه مره شي تقديم قران حديث..
أما الأنشطه ميح ما اشارك فيهن

- هل يوجد ألقاب أطلقت عليك ..(إعترف).. ؟

Never

- أين كآن مقعدك في الصف .. ؟

يختلف مره مكان بس ثالث ثنوي
الاولى فالوسط
يعني فويه المعلمه

- في أي سنه إلتقيت بأعز أصدقائك .. ؟

صف 3 ابتدائي بس افترقنا صف اول اعدادي كل حد فدوله

- مدرس تقول له ( شكرا من القلب و يعطيك العافية ) .. ؟

كل معلمه لها شي
لكل معلمه علمتني لو حرف واحد

- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
الحمدلله ولا مره

- مدرس تمشكلت معه .. مع ذكر السبب .. ؟

احيانا معلمات يغلطن عليه
اذكر مره صف سادس كنت جالسه فمكاني م حسيت الا بالاستاذه تناديني بعصبيه

كانت سوريه قالت (( العلكه اللي بفمك طلعيا))
قلت((أستاذه تكلميني؟؟))
قالت((إيه إنتي))
ضحكت وقلت((والله أستاذه مشي ف فمي))
قالت((لا شي بسرعه طلعيا))
حلفت والله مشي وطلعت لها لساني
ههههه كان ضحك
زين بالغصب اقتنعت اني صدق ما آكل شي
يمكن سويت حركه خلتها تشك اني آكل لبان

في شي ثاني::
3 ثنوي كانت يمي طالبه تتكلم وايد
وتكلمني واني ما ارد عليها

ومره المعلمه شافتها تكلمني
وصرخت علينا قالت يله قومن عقاب
وحاجيتها استاذه ما اتكلمت مابى اوقف ما سويت شي
قالت لا لازم تقومي تميت اعاميها تقولي قومي اقولها لا فالاخير قالت اعرفك ما سويتي شي بس اوقفي
هي معلمه من الوافي المهم طبعها اذا وقفت بنيه ما تجلسها الا اذا جاوبت
واني عناد لها وقفت طول الحصه ولا جاوبت مثل م هي بكيفها وقفتني حتى اني بكيفي مابى اجلس

والله كانت وايد تمر علي مواقف كنت انظلم فيها وااااااايد
بس الحمدلله

عدت المدرسه وبلاويها ويانا الادهى

- أطرف موقف حدث لك في حيآتك المدرسية ..؟

هههههههههههههههه
كنت دوم صف اول ابتدائي لما نرجع البيت انزل من الباص بدون الشنطه او بدون مطارة الماي من الباص يتحرك اتذكر اني نسيت حاجه واتم اركض ورى الباص لين الموقف السيد الثاني وانزلهن
البنت منتهبه تبى تلعب
ترى اول ما انزل اعق الشنطه واللباس قدام البيت واروح ركض بيت عمي العب
ع طول
وامي الله يعينها كنت مغلبتنها هي وابويه

ياخي الاكبر ولي الحق اتدلع عليهم بكيفي
ههههههه

وسلااااااااااااااامتكم
تسلميلي سعوده على الاختيار

والسموحه شكلي طولت عليكم