><><><><><><><><><><><><><><><><><><><><><><><><><
(ملاحظه: هالشخص المتكلم مب محمد..راح تعرفو من هو بالنهايه!!)
وقفت سيارتي جريب البحر ونزلت بخطوات ثقيله..كن ريولي مب متحمله ثقل جسمي..
سرت ع شاطئ والنسيم البارد يداعب ويهي بس ماكانت برودته بالقدر الي يبرد هاللعين الي ساكن بصدري..
آآآآه ضاقت بي الدنيا..حاس أنه حياتي انقلبت فوق حدر من بعد ماأعلنت فراقها عني...
كنت متمني يجمعنا بيت واحد.. كانت تسكن فكل حلم احلم به يصير فمستقبلي...
دائما كنت اضم حبي لها عن الكل،،
كنت اظن لو أني بحت بجزء من الي احسبه لأي احد، بتنمس رجولتي!
بس ألحين صار هالحب كاتم على نفسي..وأني حيل محتاي أحد يسمع مني..
"جربت من الماي أكثر..رفعت ثوبي ودخلت ريولي بالبحر..".ااااحح البحر حار وايد كأنه يشاركني حرارة يـــ(ج)ــوفي..تشوفت ع ساعتي الي احطها دايم باليمين *فانصدمت* معقول صارت ساعه 3؟؟ غريبه الوقت عدا بسرعه مندون ماحس به، كيف احسبه واني فاقد قلبي! كيف احسبه وعقلي مب راضي يفكر بغيرها،،؟
آآآآه يادنيا الي تذلي الواحد ذل
"طلعت ريولي من البحر ورجعت علي ورا أكثر، صرت اراقب لمعان النجوم بالبحر..واتخيل شكلها لما كانت صغيره كانت حليوه(ابتسمت مثل المينون لما تخيلتها جدامي) ههه صدق هبل،، حركت راسي ابا اخفي صورتها من بالي بس بدون فايده.."
ايوه صح! صرت مثل العشاق فالقصص والمسلسلات..يحبون ويحبون ولما يضيقون يبوحون لك..لك أنته ياالبحر..
آآآه "عقيت ثقل جسمي علي التراب المسكين،، وغمضت عيوني وتخيلتها عندي (والله إذا كنت ماطولها اجدر اتخيلها،، ولاحتى فالخيال حد بيزابني عليها؟ )
صراحه الخيال خيالي محد له خص فيه،، توافقوني على هالراي ولأ لا؟؟ "
اووووووف اوووووف صدق اني ادور اي شي ابرد فيه حرتي..
قطع عليه حبل افكر صوت تيلفون..دخلت ايدي بمخبايه وطلعته، كان(......) ياخي مهيسلك بارض..اووف
نزلته علي جهة اليمين فالتراب بس بعدني قابضنه، لفيت بجسمي صوبه*أرد عليه ولأ اطنش؟؟ برد ايوه احسن ارد*
: ألووو
: هلا الحبيب
:هلا..خلصني هيش تبا ألحين متصل؟
: والله قبل شويه كنت ثاير، قلت بما أني ثاير خليني انحس عليك ههههه
: والله أنك متفيج! انزين غيب.. غيب عني..
: هاهاهاي أذيه كل رجاد مسويبك كيه؟؟ عيل يوم بتعرس بتقولي معرفك ولأ....
قاطعته..لأنه ماكان لي نفس اسمعه اكثر: أقول بوشهاب مب كنك كثرت سوالف، تراه والله مصدع راسي وأن زدت كلمه وحده زياده بعطيك كف يعدل مخك زين..
..:ههههه شيمه كل شي ولأ اتضارب معك..أحسلي ابند بدال مشوفك ألحين بقبك جدام بيتنا هههه تراك تسويـــ.....
"بندت فويهه واني كاره حياتي بالمره..ميكفيني هي منقصه لي حياتي، يا هو وزاد الطين بله،، فالنهايه قلت أحسلي اسير بيتنا اكاون الرجاد قبل مايأذن صبح ،،،
شليت مصري الي بالأرض وتيلفوني الي ترسته تراب من الغيض..ركبت سيارتي بس ماحركتهي..لأنه بدأ عقلي يناقش قلبي..وأني ساكت اسمعهم علي هيش بيرسو؟
(مصر<< غطره أو شماغ)
:وبعدين معك؟ يعني مب راضي تنساها؟ سوي احسن شي لعمرك وانساها؟ ترى خلاص مستحيل تطولها!
:انساها بكل سهوله كيه؟ وسنين عمري الي ضيعتهي بتفكير فيها؟ انساها؟
:يعني هيش بتفيدك حرقت قلبك عليها؟
: معرف..أهم شي اعرفه انها مستحيل تغيب عن بالي
:وأني عقلك..أقولك اتعبتني من تفكير انساها وخلصني..ترى والله ميفيدك التفكير فيها
: من قالك يمكن تنقلب الموازين بالنهايه وتصير لي..
: هاهاي تضحك علي من أنته؟ مستحـــ....
:تشب اقولك..تشب أنته عليك تفكر وبس وأني الي اقرر انساها ولأ لا..
"هههه مثل ماتوقعت قلبي انتصر علي عقلي،، لأنه هو اساس هالحب..هو الي دخلني بهالدوامه وهو الي بيطلعني منها،،،
ياصاحي ولأ مينون"
رددت بصوت عالي: توكلت على الله
"تحركت بسيارتي وأني معرف هين بروح،، لأنه عقلي مب راضي يفكر! اونه ترك زمام الأمور للغالي الي يحتضنها"
><><><><><><><><><><><><><><><><><><><><><><><><><