خلاص يعني كل شي إنتهى وراح ** خلاص يعني ما بقينا حبـايـــــــــب
يعني وعودك كــــــلها كانت مزاح ** والا انت مالك في المحبه رغايب
وين العهود وين لحظــات الأفراح ** يــــعني تلاشت مع هبوب الهبايب
القلب بعدك من له اليوم يرتـــــاح ** ومن بعدما هو في محبتــــك ذايب
ياما على شانك تحملت الجــــراح ** ياما جـروحي من صدودك عطايب
سرقتني عن جملة الناس يا صاح ** والفكر عــندك ماخذنــــــــه نهايب
خـلـــــــك يحبك يا بعد سيد الملاح ** ان رحت عنه راودنه مصـــــــايب
خلك معه دام الهوى حيل نظــــاح ** والواش رده يا هوى البال خــايب