السلام عليكم ورحمة الله وبركاته 
إليكمـ هالموضوع وأمااانه نقلت منه بعض الكلام بس حبيت أشوف أرائكمـ فيه..
اقتباس
بدوووووووويه بالزواااااااااااااج متغطيه عدل
(لابسه فستان مع اكمام ).. جسمها محترق ومتشووهه
وشكلها يفشل هالبدوووويه .. ماتعرف تلبس على المووضه
هذا اللي صار وربي
<<<< هذا كلام كل اللي حضر بالزواج
وسمعته بأذااني وسمعوووه ناس كثير كانوا حاضرين تدروون ليش
لانها الوحيده اللي متستره والباقي لابسين عاااري
صارت اللي تخاف ربها محترقه ومشوهه واللي مفصخه
هذي ستايل وكشخه
صارت اللي تتستر يطلعون عليها اشاعات
يعني مايكفيهم ذنوبهم يبونها تتعرى ويكسبون اثمها
صارت اللي تغطي ايدينها وسيقانها ( معليش على الوصف ) بدوووويه ومو ستايل ولاتعرف تكشخ لا
مو بس كذا صارت تفشششل ومعقده وفيها حاله نفسيه
يعني افهم انه اهم شي الكشخه وستايلك
مو مهم يعني ربك ولا مهم دينك ولا مهم رسولك
لاتقوليييين ايماني بقلبي
ولاتقولييييين الزواج كله حريم وين المشكله
في مشكله ومليون مشكله وانتي بداخلك تدرين انه حراااام
بس هذا الشيطان يزين لك المعصيه
نـــداء لكل وحده تقول عن اللي تتتسر انها معقده ومحترقه وبدوويه ( وما ادري ليش البدو طايحين من
عيون بعض الناس .الله يهديهم بس )
اذا هذي بداوه يازينها من بداوه لانها بتحبب ربي فيني
واذا هذي عقده نفسيه ياحلاتها من عقده واسال الله انها ماتروح عني ولا عن اي بنت مسلمه تعتز
بدينها
يعني بالله اذا ماطلعت ايدك شنو بيصير .. بيتغير اسمك مثلا
محد بيجي بيخطبك يعني ..
ليش يابنات والله الستر زين
ياحلو الوحده تجي لابسه فستان وتحته مثل البلوزه
او من نفس الفستان مسويه اكمام ناعمه حلوه
منها ماتغضبين ربك اللي خلقك وهذا اهم شي ومنها ستر ومنها يطلع شكلك حلو
والله احسن بكثثثثثير من هالعاري..اللي ماوراه الا الحسد
طيب انتي انتي ياللي تلبسين عاري وتقولين هذي محترقه ماتخافين بكرا تتشوهين وتحترقين بنار جهنم
والسبب لبسك
شنو بتقولين حق ربنا يوم العرض
بتقولين والله انا ستايل وكشخه استغفر الله يارب
ترى امك وصديقاتك وخواتك وبناتك ماينفعونك
وبتاخذين اثم كل وحده انتي لبستيها او قلدتك في لبسك
لاتخلين الله اهون الناظرين لك .. انتبهي
إشـرايـكـمـ؟
هنا همســه مقتبستنا من نفس الموضوع اللي كاتبتنه هالبنت
جزاها الله خير..
اقتباس
ياحبيباتي ياخواتي يا امهات المستقبل .. لاتزعلون علي وربي احبكم في الله وخايفه عليكم اذا صار يوم
العرض
لمتى والشيطان يلعب فينا
والله اذا رضيتي ربك .. ربي بيسخرلك كل هالناس اللي حولك
مايحتاج تلبسين وتاخذين ذنوب علشان تعجبين غيرك
انتي متخيله لو انتي تسترتي وصديقتك تسترت وخواتك وبناتك واهلك .. وجيرانكم شوي شوي بنلقى
زواجاتنا كلها حشمه وستر ويصير ندش الزواج ونطلع وحنا ماعلينا اي ذنوب بأذن الله ولك الاجر ان
شاء الله
بالاخير ابيكم تسامحوني على اسلوبي يمكن مايعجب البعض منكم .. بس والله اللي شفته خله الدمووع
تنزل من عيوني بدون ما احس .. والله اني ماكتبته لارياء ولا زياده في عدد مواضيعي .. كتبته لاني
خايفه عليكم ولاني احبكم في الله .. ولاني داريه انه بقلوبكم الخير الكثثييير ولاني خايفه ربي يسالني
ليش مانصحتي يوم شفتي الغلط
تكفون انشرووه وارفعوا الموضوع ولو بكلمه يمكن تشوفه وحده من البنات ويفيدها
واللي عندها صديقات بالايميل تنشره بالايميل
ماتدروون يمكن وحده تتوب ولي ولك الاجر باذن الله ونكون حنا سبب بعد الله
اسال الله ان يهديني ويهدي بنات المسلمين لما يحب ويرضا واسال الله الستر لي ولخواتي ولبنات
المسلمين
اللهم بلغت اللهم فأشهد
ادعـــولـــي.. ربــي يهدي اولادي وبناتي
مــودتـي
.