السلام عليكم
اليوم الاول من يوميات بنت المضيبي في المدونة
طبعا يبدي اليوم من ساعه 12
س 12: اكيد ف سابعه نومه
س 1: احلم خخخخ
س4: لازم بقوم بشوف الساعه بقول الحمدلله بعده الصبح برقدلي شوي << هذي يوميا ومعرف ليش اقوم>>
س: 8:30 قمت من النوم واللي قومني خواتي اسمعهن يتريقن ويحشن فيي اسمعهن يقولن ماسوت شي ف الاسايمنت تدخل المنتدى تلعب والمسن جالسه تقول عندي شغل وهي تلعب وامي تقولهن لا تشتغل وهنه يعطنهي كلاااام عني المهم قمت وع طول ع الصاله من وين يتريقن وقفت ع الباب وحاطه ايدي ع خاصرتي واعطيهن نظرات خاصه الامبراطوره وبنت السلاطين وامي تقولي وش فيها العين مدحوره واختي الكبيره تضحك
شوي ويقولن انتي قمتي قلتلهن اها وسمعت كل شي
وحاطاتلي انظف البيت من داخل ويقوللي بسج مكر اونج مشغوله وانتي جالسه تلعبي
سويتلهن حركات ورحت اغسل ورجعت اتريق وسوالف
جلست اسولفلهن عن مواقف الشغل من متى صايره واليوم قررت اخبرهن مع انهن ما يستاهلن اضحكهن جالسات يتكلمن عني بعده نص الكلام ما خبرتكم عنه حواااطه وما تجلس ف البيت كله مع ربيعاتهي حتى مع امي ما تجلس وغيره من الكلام المعسول ^_^
انزين خلصت ريوق ورحت الغرفه فتحت الابتوب ويبت الفايل مال الكليه وطلعت من وين تحس ورقه فيه اونه اشتغل ع الاسايمنت خخخ
المهم يات اختي الكبيره نظفي ابيت قلتلها مشغوله وعادي تفاهمت تصدج بسرعه خخخخ
بعدين يات الامبراطوره قومي نظفي قلتلهي مشغوله قالتلي خلي عنج قومي قلتلها ما بقوم
قالتلي محد بينظف غيرج واذا ما نظفتي اختي الكبيره بتنظف خيلي ع ويهج وروحت
رحت وخذيت لابتوبي ولملمت اوراقي وطلعت صوب بنت اخوي عشان تنجر الامبراطوره تنظف خخ وقبل لا اطلع مريت ع الامبراطوره قلتلها بااااااااااي اني رايحه عند بنت اخوي اذاكر مع حركااات حلوووووه للمغايض هههههههههه (اني عادي انظف بس ياي ع بالي اعاند)
رحت عند بنت اخوي وجلست هناك تقريبا ساعه ورحت البيت قلت بغايضهن شويه وبرجع
كم كلمه مني وكم كلمه منهن وكم حركه مني ورجعت (بردت فوادي هههههههههه)
قالتلي بنت اخوي بتتغدي معني قلتلهي اوكي قلتلها بروح اصلي وبرجع قالتلي صلي هنيه قلتلها لا ف بيتنا اوجر الصلاه هههههه قالتي لا يكون بيتكم المسجد النبوي وروحت عنهي هههههههه
رحت وتناقرني شويه اني وخواتي البغيضات احم احم اقصد العزيزات وصليت ورجعت
وفتحت المنتدى والمسن شوي وطلعت
اشتغلت ع الاسايمنت ورجعت العصر عندهن
حضراتهن يتابعن مسلسل تركي بنات اخوي واختي الكبيره وامي بعد خخخخ
والامبراطوره وبنت السلاطين
جلست شوي وقمت اعار بنت اخوي بنت 6 سنوات اسوي ازعاج لاااااااه
وقامت طولن لسانهن وبندت التلفزيون ورحت خخخ
ترا تييني حاله لما يكون عني اسايمنت وضغط احس بكروب وتزيد ربشتي ف البيت خخخخ
المهم صليت المغرب ورحت عند بنت اخوي
بعدين رجع البيت تابعت مسلسل صبايا مع انه ما اتابع بس اقضي وقت
وبعدين دخلت المنتدى
وبعد شوي بناااام
هذا يومي بالكامل للي يقولي سوي مدونه خخخخ اباهم يملووووو يكون يقولولي سكري مدونتج بسنا هههههههههه
المهم هذا اول يوم قلت اخباري بالتفاصيل لطربة يوووم
بس اتوقع الايام اليايه ما بسوي ^_^
التعديل الأخير تم بواسطة بنت المضيبي ; 12-28-2010 الساعة 05:31 PM.
|