منتديات جعلان - عرض مشاركة واحدة - علـى الشّطّـات والشّـدة حمولـي وبصبر في العنا صبـر الظّمايـا



المنتدي ميت واوراقه ذبلت !! بالحيل والله <<يغيرلكو جو المنتدى
اسمعووووا....!

بخبركو و مواقف مرت على عيوزكو ,,

ببدا بمواقف العزبه ه ه طولي بعمركو اانا دوم احب اسير العزبه انزيه هاك اليوم سرنا العزبه و خطفت علينا ريح قويه وضرب علينا مطر قوي وشوفو شـ حدث وش صار كنت انا وختيه اللي اصغر عنيه
المهم نحن كنا في حاله وايد صعبه
وانا من النوع اللي البرد ماروم اتحمله

خفت على ختيه لنه اصغر يغير كانت زلمه عن حق وحقيقه شاله عمرها

احين وين نيلس المطر بدا يزيد والجو زادت برودته والمشكله الخيمه على صوب بعيد كانت ومشي شير نحتمي به

والاب كنت شالتنه معايه وشاله الكام بس نسيته في موتر خويه المهم الاب خليته تحت شيلتيه وتمينا نتضارب نحن والمطر والريح وكانت مواجهه قويه بينا
واحيد كنت صايمه هذاك اليوم كان قبل سفرتنا يعني يوم الترويه اظني ولاعرفه ماذكر شوه
المهم
عقب وصولو قوم خويه وركبنا الموتر وردينا صوب الخيمه نفطر وهذا خلصنا وردينا البيت

من رديت حسيت برد قوي ويهيه اتغير وختيه ماشالله امورها طيبه
المهم انا من اصبحت اليوم الثاني حرارتيه مرتفعه واللوز باديات عليه

عاد مش موقف
لكن الحمدلله

موقف ثاني
لما كنت اول ثنوي يمكن كنت سايره السعوديه
المهم هليه وقفو يصلون العصر وقالو بيريحو
قلت لهم انا بروح برع صوب تل كانت مرتفع شوي وحبيت اسير صوبه المهم شليت الشغاله معايه وخواتيه اصغار 2 كانو صف 2 وروضه
المهم عاد اوني فرحانه وحالتيه حاله المهم وكانن هناك 3بيوت من برع شكلهم مش حلو يغير المواتر اللي مبركننه عند البيت كشخه استغربت المهم
من قربنا صوب التل يلسنا مده خلاف ققلنا بنروح على قدام شوي نستكشف المكان ماشوف الا ريال كان طالع من البيت يعني عمره تقريبا 22 الى 19 المهم ركب السياره وطول الوقت يطالعنا من الجامه
عقب ماشوفه الا ياخذ لفه صوب المسيد ويدور هناك ونحنا كنا نمشي على قدام نستكشف وتمينا كذا فوق ساعه ونص خذنا يعني
المهم عقب شفته قريب منا
قسم بالله حسيت برعب في داخلي حسيت كل هذاك المكان ساحه ظلام حسيت بشي غير كان اسحب خواتيه والشغاله وروحت وانا كلي خوف لو تحسون بس
ورديت صوب هليه بس تميت افكر فهذاكا لموقف

بس س

مووقف غير

كنا سايرين العين مول
المهم انا ااحب تصادم السيايير وايد المهم هاك اليوم خذتليه تكت انا وختيه وبنتين وخوهن المهم انا قلت لختيه

ونحن كان ورانا خط بوظبي بس يوم شفت ابويه واخويه اتاخروا قلت باكمل
لين مايطلون صوبنا المهم لعبنا وازادن البنات وتمينا نلعب والله كان اكشن احلى شي وايد استانست
حليها هناك بنت كانت اتسوق وكان تدعم الرصيف وتضرب بقوه عليه ووماشوفه الا تهتز بكبرها والشيله طاحت وحالتها حاله اصلن هي بايعتنها بايعتنها
المهم خلاف لمحت ابويه واخويه هناك
قلت احين بينا منازع امرتب بس شفت ابويه مستانس وكان افرح واكمل من الخاطر ويخلوولنا ت و افريقا حلوه وخلاف حطولنا شي ثاني
المهم عقب للمره الثانيه البنات قالن بنعيدها شـ رايكن قلتلهن اوكيه خلاص قالي ابويه زين يلا عادي
فرحت انا ويلسنا نلعب والله ونتصادم احلى شي يوم تطلع من هذيج االصومعه كله

موقف السينما

طولي بعمركو نحن متعودين كل يمعه نروح السينما
يوم الضروف اتكون عنا المهم

هاك اليوم كان ساير ولد عميه عنا يوم قصينا التذاكر تعثر يحليله ووكان تتناثر عليه زخه الخرده في كل صوب ومت ضحك عليه ووهذا متعود ياخذله عصير من برع وناخذ الباجي من السيت=نما انزين هالحبيب
يوم دخلنا على الموفي كنا يالسين عدال بعض كنا تقريبا 7 او 6 المهم هو كان مندمج في الفلم ويالس يشرب العصير ماله وينكب على كندورته يتحسب كان يشرب العصير في ثمه مايتحرى في الهوا ء يشربه فهمتو ولا لا .....!

هيه موقف مره كنا طالعين البر وكان عندنا موتر ريل عموه المه طلعنا به اونه نسوق ف يالبر

وماا دارك ماسواقه البر ييت بنت عموه اتسوق تعرفو شـ سوت تمت ادور وادور وانا مت ضحك اتحسبها طبعت السواقه<<ماتعرف تسوق نست يعني
اثرها تبا تشل ياويل حالنا شــ حد ث وش صار
المهم وردينا عقب معاناه بس وايد استانست انا

موقف غير

هيه مره سوينا شقلبه على العرقوب

هها والله مت ضحك
كانت عنا وحده حيريه تختخخ المهم مانشوفها الا تخرطف من فوق يلين تحت وجسمها نصها اختفى اتلونت على لون الرمل

واتخيلو شكلها حالتها حاله قسم مت ضحك عليها