السلام عليكم ورحمة الله وبركاته
اليوم 10-11-2010
رحت أصلي الفجر ولما رجعت شفت ابويه واخواني يتريقوا
اللي معه شغل واللي بيروح يقضي حاجة وانا لا شغل ولا مشغلة فقلت بتريق عندهم
تريقنا كباتي (تشباتي) مع جبن وشاي حليب شي اكيد
رحت على فراشي
جاني اخوي الكبير
بنته البكر (7سنوات) مطلوب منها عمل بطاقة تهنئة بمناسبة العيد الوطني الاربعين
قالي سويها لها بسرعة
قلت مشي عندي انترنت<<<<<< شرير
خليته هو يعبي ودورت فالنت خلفيات لقابوس مع علم السلطنة
ولقيت كذا بطاقات هنئة جاهزة
عاد ما لحقت عالبنت قبل لا تروح دوامها
فهو قالي شلها لها المدرسة
بس لا تروح بالسيارة فالشارع العام تعال من وراء البيوت لانه ما عندي رخصة
المهم اختي بعد خبرتني اسوي لبنتها
الشعب كلهم ما يتكلموا من قبل اذا محتاجين شي
ماشين على مبدأ last minute dot com
خليت البطاقات في فلاض رحت بيت اختي طبعتهن
رجعت البيت غيرت ملابسي ورحت المدرسة
مع انه الدكتور قايل لي لا اسوق لاني مسوي عملية في الظهر (بسيطة الحمدلله)
رحت المدرسة وعطيتهم البطاقات ورجعت البيت
قلت بنام لاني كنت تعبان
ياني ولد اختي
خالي تبى سمبوس؟ قلت ايوه قال هات فلوس بمشي اشتري
راح يشتري ما لقى شي
ضيع عليه نومة
بس نمت من 9-11
عاد الظهرية يابولي بنت اخويه نايمة<<<< الاخ مستوي حضانة
حطيتها فحضني ونامت
المهم انا كنت شارب ديو وحطيت القوطي على صوب
قامت هي شافت القوطي راحت تاخذه حصلته خفيف
جلست تهزه وبغت تشرب بس ماكو فايدة
فرت القوطي ورجعت تنام
قبل اذان العصر طلعت عنها شوي اسمعها تبكي طلعت برع الغرفة
وشافت ابويه وراحت تركض صوبه تحضنه
وبس هذا يومي
اعرف وايد سولفت بس تحملوني
:)