اليوم بخبركم عن شخصية ف حيـاتي..
}.. النـــــون..{
انسانة مرحة..محبة للحياة..محبوبة..
تلطف اجواء العمل..
طبعا الحين انا مب وياها نفس المكان..
بس في تواصل امبينا..
حسيتها جريبة من افكاري..
تشجعنا واااايد من الناحية الدينية مع بعض..
اول ما قررت ادرجها ضمن حياتي..
خذت رقم بيتهم من المدرسة..
اتصلت فيها ..وكنت توني يديده عندهم..
ما تعرف صوتي..خمنت لحد ما عرفتني..
كان اول اتصال..
بداية لعلاقتنا الحلوة..
8\4 سنة----
هاليوم المميز ف حياتي..
عرفني بتوأمي..
بالفعل كنا توأم.
سوينا ضجة..
الكل مدح ف علاقتنا..
يربطنا ود عجيب..
لأنه اساسه ف الاصل حب الله جمعنا..
مرت الايام وازدادت علاقتنا..
حبيتها من كل قلبي..
صارت جريبة مني وااااااايد..
نتواصل وااايد..
ما نقدر نتفارق ابد..
يت ساعة الفراق.,,
وانتقلت عنهم..
حسيتني ودرت قلبي ورحت..
ياااااالله يا كثر ما تأذى قلبي ف بعدهم..
صارت ظروف قاااسية..
وخلتني ابعد عن الكل رغم عني..
زاحت الغمامة..
ورجعتلهمـ..
بس حسيت اني فقدت شي ثمين..
فقدت الرابط اللي كان يجمعنا..
الشفافية والعفوية اللي كانت تربطنا..
صح ما زلنا نتواصل..
ومازلت اغليها وتغليني..
بس ما عادت توام الروح..
واقدر اقول:ان بالفعل دواااااام الحاااااااال من المحاااااااال..
الله يحفظج يالنون..ويخليج لي..
وبظل افتخر فيج وفـ الايام الحلوة اللي قضيناها ويا بعض..
وبقولج:
| لو | الغلا والحب يوزن بميزان
ماظن يوزن بالموآزين حبـــي
ترقبوا جريب ذكرياتي مع ناس ثانيه لها قصص حلوة فـ قلب عذوبة..~*