قرأ خالد وجهة نظرها ووجهة نظر غيرها ولكنه مُصرّ على رأيه
لانه يشوف ان الحب اللي مايتعدّى المكالمات والسوالف مايعتبر حب
وكتب لها هالردّ : " أهلاً صمت اول شي الله يبارك فيك ^,^
ووجهة نظرك لها احترامها ولكنها خاطئه في نظري فلاأعتقد أنّ ماتتحدين عنه حب
قد أدرجُهُ تحتَ مُسمّى التسليَه أو شيء من هَذا القبيل !
فهَل تريديني أن أعشق فتاهـ لم أرَها ؟ أتريدين مني أن أعشقَ خيالاً ؟
أما بالنسبه لكلامي الأخير فما قصدتُ بهِ أننا قد نترك أمُور من أجل الحب
هذهِ الأمور كُنا نعتبرها قناعات لن تتغير , إلا أنّ الحب كانَ لهُ رأيٌ آخر
وقد كسَر هذهِ القناعات والقواعَد وجَعلنا نقتنع بما لانقتنع به !
شكراً لأنكِ هنا .. لكِ ودّي , "
ماطاب خاطر صَمت بـ ردّ خالد وماتدري ليه حسّت انها منقهره عليه وعل وردّه وقناعته اللي مثل وجهه
وكتبت له ردّ من جديد:
" خالد أكتفي بـ تذكيركَ بـ حديث الرّسول صلى الله عليه وسلم:
(مااختلى رجلٌ بإمرأه إلا كانَ الشيطان ثالثهُما) "
قرأ خالد ردّها وانقهر منه وترك الموضوع ولارَد عليها ولاعلى اللي بعدها
مرّت ساعه ساعتين وحَست صمت انها قسَت على خالد بردّها
ولكنها ماتشوف انّ كلامها فيه غلط لان مثل ماله قناعاته هي لها قنعاتها
قامت أرسلت له رساله خاصه " خالد زعلان مني ؟ "
خالد: " لاماني زعلان والله لايجيب الزعل .. بس ليش ؟ "
صَمت: " خالد والله لو منت غالي عندي كام ماقلتلك مثل هالكلام
والله يعلم وش كبر غلاك بقلبي عشان كذا كتبت مثل هالكلام "
خالد: " وانتي بعد غاليه والله وغلاك كبير عندي
بس ياسُعاد انتي كلامك مو معقول شلون الواحد يحب بنت ماشافها ولابيشوفها ؟ "
صَمت: " خالد الحب أكبر من الشوفات والطلعات , الحب مشاعر واحاسيس
والمشاعر والاحاسيس في نظري أجمَل بكثير من الأمُور السخيفه اللي انت تشوفها
وآسفه على هالكلمه ولكنها الحقيقه لانها امور سخيفه في نظري "
خالد: " صمت اسف معليش انا عندي قناعات ومااقدر اغيّرها ,
الا اذا ترضين اني أخدع نفسي أو اخدع اللي أحبها !
تبيني يعني اقولها انا احب خيال ماعمري شفته ؟
والا تبيني اقولها احبك واحبك وانا ماحبها ؟! انا ماأرضى على مثل هالشي ياسعاد "
تأخّرت سعاد بالرد على رسالة خالد الأخيره اشوي وبعدين أرسلتله:
" خالد رووووووووح شوف موضوعك ويابختك افرح وانبسط
صار فيه بنت تحبك وتوافقك على كلامك ! روووح والله يهنيك معاها ..!! "
دخل خالد على موضوعه وشاف ردّ من العضوهـ سارونه:
" أوافقك الرأي ياخالد الحب تضحيه واللي مو قد التضحيه مو لازم يتعب روحه ويحب
ااااخ عليك يعجبني تفكيرك وجرأتك في الطرح وطرح وجهة نظرك بدون تميلح
أهنيك ياخالد والله يوفقك في حُبّك .. تحياتي لك سارهـ "
شاف خالد رد ساره وضحك من قلب
لانه تذكر علاقته مع ساره هذي وكيف تطوّرت العلاقه
حتى انها وصلت إلى تلفون وطلعات وقابلها أكثر من مرّهـ
آآآخر مرهـ قابلها فيها كان لقاءَهـ فيها قبل ماتتزوج !
كان عارف خالد ان نظرة ساره للحب تغيرت كثير بعد زواجها
ولكن كعادتها تحب الردود الاستفزازيّه للأعضاء
وتحب تثير المشاكل والبلبله بينهم وبين بعض
حتى لو كان على حساب ردود هي مش مقتنعه فيها
أهم شي عندها انها تسلي روحها وتضحك . . .
لأنها شايفه ان اسمها بالمنتدى مايقدّم ولايأخر
ولايعكس صورتها الحقيقيه ابد ولااحد يعرفها
رجع خالد للرسايل الخاصّه وكتب لـ صمت الرحيل:
" هههههه صموته والله اني ضحكت عليك وعلى ساره
اول شي انتي شكو في ردّها ثاني شي ساره متعودين احنا عليها مثل هالردود
وماهي غريبه على ساره انا تكتب ردود استفزازيه وتأييد هي اصلا مش مقتنعه فيها "
صمت: " حتى لو ياخالد بس ساره واضح انه بينك وبينها شي
لانه مو اول رد تأيّدك فيه .. مُمكن اعرف وش بينك وبينها ؟ اذا مايضايقك طبعاً "
خالد: " لامايضايقني ابد بس مااعتقد انه في داعي اني اتكلم عن انسان او انسانه من وراه
لان في كلام كثير صعب ان الانسان يقوله لأي شخص .. فأتمنى منك انك تتفهّمين موقفي وتعذريني "
ردّ خالد الاخير على صمت حسسها ان خالد عندهـ اشياااء كثيييييره بحياته كاتمها
حسسها ان خالد له علاقات كبيره في حياته الانترنتيه وخارج الانترنت
ماتدري ليش انقهرت من رد ساره وماتدري ليش هي غارت منها ومن علاقتها بخالد الواضحه من ردها !
لكن الاكيد ان خالد كبر بعينها اكثر واكثر على الرغم من ان تصرفاته هي مش مقتنعه فيها
وكبر بعينها أكثر انه كتووم وماقالها هالكلام عن البنت برغم انه كان ودها تعرف شسالفته وياها
صارت سعاد تتكلم بينها وبين نفسها كثير عن خالد .. آآآآه ياخالد اشياء كثيره في حياتك نفسي أعرفها
نفسي اعرف مين خالد الانسان .. أبي اعرفه كإنسان مابي اعرفه كمُعرّف وعضويه !
بس شلووون ادخل في حياتك الحقيقه وانا اللي أرفض أي علاقه لي مع شابّ مهماً كان
صح انا معجبه في خالد واحسه قريب مني كثير بس تفكيره مختلف حيييل حيييل عني
ليش احس انه صايع بس قلبه طيب ههههه وليش احس انه كذاب بس جذاب هههههه
وليش تعجبني فيه الصراحه مع اني اشوفها وقاحه ههههههه
يوووه منك ياخالد والله اني ادري ان علاقاتك مع البنات كثييييييييره
وانك قليل أدب وماتستحي على وجهك هههههههههههههههههههههههه
غرييييييييب في تصرفاتك غريب في ردودك وكلامك وفي نفس الوقت واضح واللي بقلبك على لسانك
قطع تفكيرها وضحكها وهسترتها صوت أمّها تناديها:
" سعاد سعاااااد تعالي تغدي حطينا الغدا "
قفّلت الإنترنت وطفّت الكومبيوتر بعد ماقررت انها تضيف خالد على الماسنجر ..!
[ الجُزء السّادس ]
الساعه 2 بالليل .. كانت منسدحَه على سريرها تحَاول تنام ومو براضي يجيها النوم
انقلبَت على جنبها اليمين وأخذت جوّالها تتصفح المَلفات اللي في الاستديو ..
دخلت على الملفات الصّوتيه وانتبهت لأوّل اغنيه قرّبتها من خالد ( يابعد هالدّنيا ليه )
شغّلت [ الاغنيه ] وصارت تسمعها على روآقــَـــــــــــه ’,
ولما انتهَت الأغنيَه قامَت من سريرها لاشعُورياً شغلت الكُومبيوتر ودخلت على المُنتدَى ..
علطول راحت تدوّر على مُعرّفه الجديد نسيناكم .. وانقهرت لما شافته غير مُتصل حالياً
دخَلت على مَلفه الشخصي وصارت تقرأ مواضيعه وردودهـ ,,
مواضيع تموّتها من الضحك وتذكّرها بأحلى ذكرياتها في مواضيع خالد المَجنونه
وردُود تقراها تتمَنى انها تفهَم قصده , وردود ماتدري ليش تحسّ ان خالد يضحك فيهَا بـ حزن !
حرّكت الكرسي ارجعَت على وراها وحطت راسها على يدها فوق الطاوله ..
تحسّ بضيييييق في صَدرها ماتدري هو خوفها على غياب خالد والا خوف على نفسها من الجاي !
" آآآآه نفسي بس اعرف ياخالد وش اللي بقلبك .. وقبلك ودي انا اعرف وش اللي بقلبي
والله ماني عارفه احدد مشاعري تجاهك ولاعارفه وش مشاعرك انت صوبـــــــــــي
مدري انت تحبني وتقدرني وتحترمني وتغليني ولي مكانه في قلبك مثل ماتقول والا بس أنا أتوهّم
لكن اللي انا اعرفه اني صرت اشتااااقلك وافقدك حيل والمنتدى بدُونك مايسوَى شي "
رجعَت للكومبيوتر وفتحت موضوع " وقع ولو بكلمه " وصارت تكتب اي شي يطري على بالها
ولمّا وصلت للردّ الرابع في كتاباتها لاحظت اسم نسيناكم آآآخر الصفحـــــه بالمتواجدون ..!!
تبدّل حالها وانقلبت احوالها في دقيقه لما شافت اسم خالد في الموضوع علطول راحت كتبت له:
" هلااااااااااااا باللي دخلوا تو مانوّر الموضوع " وانتظرته يرد عليها انتظرَت ولاشافت منه حرف واحد !
إنتبهت لأحد الأعضاء كاتب لها " الله لنا صمووته لنا ساعه موجودين ماسلّمتي علينا "
صَمت: " معليش آسفه جرُوح والله ماانتبهت لك ياخوي كنت متضايقه اشوي "
جرُوح : " اللي ماخذ قلبك يتهَنى به "
صَمت : " مسكين مين هذا المقرُود اللي داعبه عليه امه عشان آخذ قلبه هههههه "
فجأهـ دخل خالد واقتبس كلام صَمت الأخير وكتب :
" آآآآآآآخ يمّه ياليتك داعيه عليّ يازين القرادهـ اللي كذا ياناس ^,^
السلام على كلّ الموجودين مسّاكُم الله بالخير , شخبارك جروح شخبارك صموووته "
حَسّت صموته بـ إحراج من ردّ خالد وطلعَت من الموضوع
لكن فرحتها بـ كلمة خالد خلتها ترجع مرهـ ثانيه ولا كأنّ شي صار
حاولت تضيّع السالفه .. صموته : " ههههه هلا هلا خالد نرحّب فيك فوق ولاترد علينا شكلك تتغلى "
خالد : " لا والله ماانتبهت لأحد كتب لي .. والا كان رديييت بدون تردد ههههههه "
جرُوح : " ايييه تعرف تشوف الكلام اللي يعجبك وتطنش باقي الكلام خخخخخخ "
صمّوته : " شفت كيف ياجروح ناس تدوّر أعذار بس ماعليك منها هههههههه "
خالد : " هيه هيه انت وياها أكلتوني بقشوري ماسوَت علينا طنشنا رد ماانتبهنا له
بعدين ترى صموته كاتبه قبل ماأرد يعني انا ماانتبهت لردّها ومعذوووور
ثانياً انت شدخلك بيني وبينها هي كتبت لي أنا خخخخ يعني انا وياها نصلح هع "
حَسّت صمت الرحيل بـ إحراج أكثر من كلام خالد عنها لكن في نفس الوقت فرحانه
يمكن لانها تحسّ ان خالد صاير يدافع عتها ههههه ويمكن لانه قال انا وياها نصلح هههه
زاد غلا خالد بـ قلبها وبدت تحس انها غاليه في قلبه حَتى لو كان يمزح في كلامه
طالعت في ايميل خالد وتذكّرت انها ناويه تضيفه على الماسنجر بس فيه اشياء كثير تحس انها تمنعها
قلبها يقول ضيفيه .. وعقلها يقول لا وشلون تضيفينه وانتي اللي ترفضين يكون لك علاقات مع أي شابّ
قلبها يقول خالد مو أي شاب .. وعقلها يقول كـــــــل الشباب واحد والعلاقه كلها وحدهـ ماتختلف
قلبها يقول انتي اقرب انسانه لخالد .. وعقلها يقول خالد مليااااااان ماسنجرهـ بنات وعلاقاته بالكوم
تغلّب قلبها وعاطفتها على عَقلها وتفكيرها ونسخت ايميل خالد من تحت توقيعه وأضافته على الماسنجر ..
قلبها يرقع واطرافها ترتعش خايفه ومرتبكه .. ماتدري وش بتكون ردّة فعل خالد
وماتدري وش بيكون ردها ولاكلامها .. ومو بعارفه وش تقول وشلون تبدأ
أول مرهـ في حياتها تضيف ولد على الماسنجر ..
إنتظــــــــــــــــــرَت خالد يقبل الإضافــــــــــــــــــــــــــــــه
وكل دقيقه تمرّ عليها تحسبها شهَــــــــــــــــــــــــــــــــــر
طالع خالد الإضافه اللي جايّته مادقق في الايميل كثير وقبَل الإضافه
فجأهـ سمعَت سُعــــــــــــاد صوت الماسنجر ( أووون لاين ) >>> خالد دخل