منتديات جعلان - عرض مشاركة واحدة - موووواقف .. من يوووميااااتك .. اليووم .. بكره ... شاااركنا



السلام عليكم
جاتكم بنوته>>ادلع نفسها

بموقف صارلها لما كانت صغنونه
كنت مره رايحه مع احد من الاهل هم لهجتهم تختلف ع لهجتنا
نحن طبعا بدو قح

زين المهم وكنت قاعده مع البنات،،وعاد قالولي باتي معنا ليوم(رقدي-نامي خخ) >>>محبوبه

بعد اصرار منهم رحمتهم وعطيتهم من وقتي الثمين ووافقت انام

،،
اللحين تبدي الحتوته>>
وقت النوم ،،وكل وحده بفراشها ،،جاتني وحده منهن تقولي اخذي الكريم دهني خشمج ،،انا باستغراب بس خشمي\

كان تقولي هيه ،،عاد انا متفشله ومستغربه كيف ادهن خشمي وبس

الخشم معنا نحن يعني الانف ،،وهم معهم الوجه كامل
اش سوت بنت السلاطين ،،عاد انا قلت بدهن خشمي لا حول ولاقوة الا بالله
والبنت نقعت ضحك،، اللحين شو فيج تضحكين
مب انتي قايلتلي لخشمج،،قالت زين بس انتي ليش تسوين لنعفتج بس
نعفه،،وعلامات استفهام وتعجب؟!!

عاد بعدين فهمت انه نعفه=خشم=انف
وخشم =ويه=وجه
ف البدايه حمرت

واستحيت بس بعدين بروحي نقعت ضحك ع عمري

وتوته توته خلصت الحتوته