احم احم لجيت شعر عن جرح الكبد يخبل اتمنى يعجبكم
يالله ياللي كل خلقه ترجاه ....................
............... ياللي كفلت ارزاق كل الخلايق
انك ترده لي واشاهد محياه ...................
................. يصير صدري به وسيع البنايق
جتني حروف الشعر من خط يمناه ............
............... يشكي علي البعد ولهان ضايق
دريت به مشتاق والشوق معناه ..............
................... وده يجي عجلٍ وللقرب تايق
قلبي غدا تعبان من عقب فرقاه ..............
.............. يسوق قلبي له من الوجد سايق
يومٍ عرفته فيه يازين ذكراه......................
.................. يومٍ سقاه الغيث للعين شايق
وش حيلتي وانا وحيده بلياه ..................
................ بالي معه مشغول ماهوب رايق
قمت احسب التاريخ واقول ويلاه .............
........................ بس اتحرى جيته واتوايق
عزي لمن سافر حبيبه وخلاه .................
..................... يبكي ولا يقدر يزيل العوايق
كبدي بها جرحٍ عسى الله يرفاه ..............
................... الشاهد الله كن فيها حرايق
مايحتمل بعدي وانا البعد مقواه ...............
....................... موثقين الود باحلا الوثايق
امشي خلاويه وروحي تمناه ..................
.............. ليته على اللي بالحشا له تهايق
غيره من العشاق لو شفت مبغاه .............
.....................للناظر المشدود مالاق لايق
ياحبني له حب ياجعل يفداه ..................
................... كل الملا عندي وكل الرفاي
الطيف