القصايد
والقوافيے
والاحساس
والحروف
تحضن حروف نثرها لكم ذوقيے...
:
تَعَبت أشيـل الهَم عنّك
وأداريك
وإنتَ
هموميے ثقلَهَــا مـا يهمِّك
لا يا حبيبيے
الزمن لا يخليك
تقسى على قلبيے
وتسقيه سِمِّك
دنيـاك هذي , لا تغيِّر مباديك
مهما إستطعت الظلم
إعدل بحكمك
ما هيے غريبه من يذمِّك يماشيك
لكن غريبـــه
يمدحك من يذمِّك !!
ما كل واحد غاب
معناه ناسيك
بعض البشر ينساك
لو كان يمِّك
أدري تعزنيے ..
اللـه يعز غاليك
وإن كان لـي عندك معزَّه
بضمك
في خاطري كم كلمةٍ : عن تجافيك
وإن شفت دمعاتي إنزَلَت
حط كمِّك
إسمك حبيبيے
ويا كثِرها أساميك
وقلبيے يفز
لا جابوا الناس إسمك
ليتك تحس في ضيقتيے
يوم أحاتيك
أحرق لك أعصابيے
وما حَس دمِّك
غايب بدون أعذار
ربِّيے يجازيك
عطنيے سبب مُقنع حبيبيے .. وألمك
همِّك .. جنونك
ضحكتك.. كل ما فيك
صوتك.. سكوتك
وأرجع أقول: همِّك
طيشك .. عنادك
لما تزعل وأراضيك
ترسم ملامح ضحكتيے
وتمحيے رسمك
.. لبيــه .. منِّك أنت غير
لمَّا أناديك
كن الكلام العَذب ... مرساه فمِّك
مهما غلوك قلوب ناسٍ حواليك
أغليك أكثر منِّهُم
بس .. لعلمك
أبوك , خالك , إختك , أخوك , ماضيك
ربعك
و جميع النـاس , وعيـــال عمِّك
.
.
شايف غلاهم لِك
أكثر أنا أغليك
واللِّي وِصَل ( نِص الغلا ) يمكن أمّك