كبسة التونة ولا اروع منها
مابي اطول عليكم بعطيكم المقادير وكيفية الطبخ طبعا من اختصاااااااصي الطبخ اعتبرة هوااااااية بالنسبة لي
المقادير المستخدمة في كبسة التونة لثلاثة اشخاص
1_ نصف كيلو رز ويفضل من الارز ذات الجودة العالية مثل البسمتي
2_ثلاث علب تونة
3_ كيلو جرام من الماء....... يعني ضعف الرز تحطي ماي
4_بهاارات وتتكون من ::بزار (بهارات مشكلة حق الكبسات) +هيل + كركم +قرفة+فلفل اسود مو مطحون+فلفل ابيض او احمر+
5_ فلفل اخضر الافضل يكون متوسط الحرارة
6_حبتين بصل كبار
7_اربع حبات طماطم متوسطة
8_زيت
9_ملح
10_ الالوان حسب الرغبة ممكن يكون اصفر بالكركم او الصبغة ممكن يكون احمر بالصلصة الطماطم
11_ثوم مع ليمون جاف
كيفية تحضير الكبسة
افرم البصل واحطه بالجدرمع القرفة والفلفل الاسود والزيت حتى يصير احمر شوي غطي علية وبعدين اجيب الطماطم الاخضر وحطة مع البصل وارشه بالهيل المطحون حتى ينعجن الطماطم وبعدين اضيف البهارات اللي عندي واضيف اي خضرة مثل الزهرة والبطاط او الكوسة والافضل يكون كلهن مع بعض اخلي البطاط ينضج وبعدين احط الرز ملاحظة لازم يتوزج الرز بعدين تحطية بالجدر بعد ماتنضج الخضرة وبعد مايغلي الرز اول مايغلي احط التونة وخلية يغلي لين يمتزج مع بعض وبعده اخلية على نار هااااادية لمدة نصف ساعة حسب النار اللي عندك والافضل تخلية مسكر وتراقبية بين الفترة والثانية
صدجوني واااااايد حلوة جربوها
::::::::::::::::::::::::: اخوكم الشامخ::::::::::::::::::::::::::::::