لا صرت بايعني اشوفك على خير
مع السلامة دام مابه سلامــــــــــة


قلت انتهينا قلتلك خــــير ياطير
ماني بأول شخص يخسر غرامة


محذرك من قبلها الف تحذيـــــر
لاعفتني بيعيف قلبي هيــــامة


ماني بميت لا ولا احتاج تبرير
صح الله لسانك ووفـــر كلامة


بسمعك حبكة وفكرة وتصوير
وافهم عدل يامدعي بالفهامة


وجة الشعر ابيض ويحتاج تغيير
ودي تزين هالقصـــــيدة علامة


ماضيك الاسود بذكرة دون تقصير
كذا يكون بخد هالشـــــعر شامة


يصدق معي تعبير ويخون تعبير
ياضيعة الشاعر بوقت انسجامة


يمكن خطا ادونك بالشعر مير
لو ماحترمتك للغرام احترامة


ماكان حبك غير بس طعنتك غير
علمتني معنى الندم والنـــــدامة


ماجاك مني اي زلة وتقصـــــير
كل ماخطيت اعاتبك ببتســـامة


حسبي على الذكرى اذا هبت عصير
ماعــــــــــاد تنفع شرهتي والملامة


البال ظامي وقتها والحزن بيـــــــر
خسرتك وهمي كسبت اهــــــتمامة


والليل فازعلك كذا جاني مغـــــير
ظلمتني واكثر ظلمـــــــــني ظلامة


لاقبل علي اوحيت صوت المسايير
وفزيت كل ضيف يقوم بمقـــــامة


وليا عزم هالليل ضيقة وتفـــــكير
قلي بربك كيـــــــــف بقدر انامة


مافية داعي للعتب والمعاذير
الغدر خال الجرح واطيب عمامة