بالله تكفى لا تثير اهتمامي
لا صار مالك بالوفا وش تبيبي

اسمع كلامي زين واعرف مرامي

ما جيت لك كذاب والله حسيبي

ولا جيت اراهن واحتزم في غرامي

واصارع العشاق وأشقي حبيبي

كسر الخواطر والشقاء للحرامي

وانا من الثنتين وش هو نصيبي؟

أنا عن جروح الهوى شخص سامي

صادق وعندي دم .. والصدق عيبي

مالي ومال الظلم وآنا محامي

ضد القهر والظلم والله رقيبي

شرحت لك بالحب مبدأ سلامي

حبيت اوضح غايت يا صحيبي

هذا كلامي مع جليل احترامي

إن كنت عاجز بالغلا تعتنيبي

تكفى طلبتك لا تثير اهتمامي

لا صار مالك بالوفا وش تبيبي