هلا بالجميع أشكر الجميع ع اللمرور و التفاعل
للأسف بعض الردود كانت صدمة بالنسبة لي... ليش نغلط بحق ناس جالسين يبذلو كل مجهودهم لمساعدتنا
اولاً:
حطوا في بالكم بأنهم ناس متغربين من بلدهم وحابين يساعدونا.
وثانياً:
بالنسبة للمبالغ : ففي نظري أنها مناسبة جداً والدليل في جروبات بنات وشباب والكل مستعد عشان مستقبله.
وبعدين هذا معهد خاص مو حكومي لازم تكون أسعارة مرتفعة نوعا ما ...بذمتكم كيف راح تندفع رواتب الموظفين وأجار المبنى والكهرباء و.....الخ.... لازم نكون واعين لهذي الأمور ومتفهمين للأوضاع خصوصا للقطاع الخاص حاله معينة غير الحكومي.
ثالثا:
بشهادة الجروب اللي معايا وبشهادتي وبشهادة رب العباد أولاً وأخيراً كادر المعلمين جداً متعاون ومش متهاونين عن تقديم أي خدمة أو مساعدة... وما يجوز نظلمهم " الحق يقال....... "
رابعا:
الخطأ من المتدرب صدقوني لما يكون المتدرب قصده شهادة وبس مراح يكون مجتهد بالتالي راح يحس نفسه ما استفاد شي...لمجرد أنك تغير فكرتك ونيتك راح تحصل فائدة كبيره.
خامساً:
المشكلة بأن في نوع من الناس يسمع للأشاعة دون ما يتأكد يعني لما يقولوا لهم : المعهد ما يفيد..ياخذ الكلام على محمل الجد ... ولا يفكر مجرد تفكير بأن يجرب وبعدها يحكم وهذا الخطأ الشائع خصوصا بجعلان وللأسف.
سادساً:
حطوا في بالكم بأن الكلام على ذمتنا أبدا ما يجوز نشوه سمعة ناس ما عمرهم أستغلونا ولا أحتالوا... حرام نظلمهم يا أخوان.
سابعاً:
أتمنى يصير عندنا رقي بالألفاظ وبأسلوب الرد.
وحابه أشكر من كل قلبي ...... " المنصور، دلوعة كول،فتاة من زمن الوفاء، عازف الناي "
وأشكر عازف الناي على أقتراحة وبأذن الله لما نبلش دراسة بعد الأجازة راح أجهز التقرير.. وأتمنى الأدارة تعطيني الصلاحية الكاملة باني أثبت للجميع وراح أجيب أثبات من ناس درسوا بالمعهد ومن بعد الدراسة أشتغلوا بس علشان حابة نعطي الكادر اللي يشتغلوا بالمعهد حقهم...مع أني واثقة بأن مهما قلنا وعملنا تراه بحقهم قليل
لأنهم " على الأقل ناس ذوي خبرة ومؤهلات وأخلاق عالية " عكس البعض اللي حتى لو كان عندهم شهادات ومؤهلات عالية لكنهم للأسف لا يفيدونا لولا حتى يستفيدوا من خبراتهم.
وأتمنى أشوف ردود أرقى وأفضل من كذا وأبيكم توقفون معانا وقفة حق بدون تحيز.
أختكم : فتاة منسية