اخر يومياتي قد اشارك بها
رحت لندن يوم الجمعة وصلنا الساعة 7:00 بالليل
استقبلنا زميلنا ياي من مانشستر ورحنا على بيت ربعنا في لندن
جلسنا سوالف واكلنا حلوى العيد
ما شاء الله على الحلوى بحرينية اصلية بس مشكلتها معفنة
فاكلنا حلوى ثانية اللي هي الحلاوة من الدكان<<< نقتنع بالبسيط
رحنا مطعم وتعشينا وبعدين على السينما شفنا فيلم death race
صراحة فيلم روعة ذكرني بايام السيكل التاير الجدامي فصوب وانا والسيكل فصوب
وذكرني بالبريك الجدامي اللي خلاني انقلب
رجعنا البيت وترمسنا الى الساعة 2:00 بالليل
قلت خليني اكمل سهرتي لحد صلاة الصبح اصلي وانام
جلست احل السدوكو خليت السهلة والمتوسطة وجالس على الصعبة
الساعة 4:20 نمت والصلاة 5:30 حتى ما حسيت نفسي حطيت ويهي على الجريدة
جاء ربيعي يبى ينام
نحن 9 راقدين فالصالة فارشين كنبل تحت والبقية متحلفين بها
المهم ياء ربيعي يبى يرد عندي على الكنبل واني ادفره وكل ما جرب ادفره بدون ما احس
مسكين ما رجد والسبة اني
قمنا الصبح تريقنا ورحنا على لندن
جاء القطار الاول وقلت لهم لا تروحوا فيه هالقطار ما يروح مباشرة الى لندن يوقف محطات
اتحدث بصفتي الخبرة فيهم لاني عشت فالمنطة سنة ايام الفاودنيشن
ياء القطار الثاني بس طلع مب دايركت نفس اللي قبله
قالوا من قالنا لا تروحوا فهذاك القطار اللي فوتناه عاد لاموني
بعده القطار تأجل ومن حسن حظنا جانا قطار ثالث دايركت
دايركت اوكي بس ما وصلني قبل القطار اللي فوتناه اول شي<<< بغيت اتفلسف لكن ما نفع
رحنا هاروودس محل محمد الفايد تمشينا فيه وتسوقنا وطلعت بكيسة هاروودز
الحين ببروزها علشان تكون ذكرى مب كبار الشخصيات يتسوقون فيه حتى حن
ولقينا سيكل ب11 الف باوند
قلت خلاص اشتريه بس مشكلته لمن ببيعه تويوتا ما تبيه
قلت احسن لي اظول كمين فلس اشتريلي ايكو ابركلي
طلعنا وجلسنا ننتظر ربعنا
وبسبب الزحمة جلسنا نكلمهم على التلفون نوصفلهم مكاننا
هم جيوا وجلسوا وراء اللي يوصفلهم وجالسين يضحكوا عليه وسوينا فيديو فيه
رحنا الهايد بارك وجلسنا على كوفي شوب وبعدين رحنا ادجوار روود او شارع العرب
بعدين رحنا مكان ثاني نتعشى مندي وبسبب الزحمة ربعنا اللي على الصوب الثاني ما جدروا يطلعوا
لذلك تم يزحفوا تحت الطاولة
رجعنا البيت وانا جلست عالنت
والشباب تم يلعبوا لعبات وحده منهن
كانت كل واحد يعد ولم يوصل لرقم فيه حرف السين يقلبه شين وحرف الشين يقلبه سين
جلسوا يعدوا وواحد من الشباب بدل يقول ثمانية قال شمانيه
والثاني بدل خمشة عسر قال خمسة عشر وجالس يياحد انها صح بعدين دقه الحس
بعدين رقدنا وياء ربيعي يبى يرقد واني ادفره قالي مرة
ابتعد عني لحد ما تقلبت عند الجدار ورقد مكاني
قمنا اليوم ورجعنا بالقطار
هذه يومياتي كانت مضحكة لكن ما جدرت اصغيها بطريقة فكاهية
المعذرة منكم جميعا