يالله اني بكتبي يومياتي الحين
لانه بلسم الوجود طلبت مني<<<<<<<<<<<<<<< عيار كأنه مب هو داز بويهه
وبدز بويهي والسموحة من البقية وخصوصا لمسات الشوق لانه جعلاني خلاص كتب
انا بكتب لاني ملان مسكين صارله اربع سنوات ما يعيد مع اهله<<<<<<<<<<<< الحمدلله على كل حال
والله يومياتي كانت غير شكل في هذين اليومين قصدي ايام العيد
بكتب اللي صار في اليومين على شكل يوميات وتحملوني عاد<<<< ناوي نية
اولا للي ما يعرفون انا ادرس في بريطانيا والمدينة اللي ساكن فيها تتبع السعودية في الصيام والافطار
لذلك عيدنا يوم الثلاثاء على علم اني بديت الصوم في عمان لذلك باجي لي يوم واحد لازم اقضيه
قمنت الساعة 7:00 الصبح تسبحت ولبست الثوب العماني وطاقية ما عندي مصر
زميلي تجهز قبلي وطلع يجيب زميلنا الثاني
رحنا المصلى اللي هو قاعة في الجامعة وابتدينا الصلاة 7:50
خلصنا من الصلاة 8:15 حتى ما انتظرنا الخطبة شلينا انفسنا وسيدة على الكلية
دوامنا يبدأ 8:30 والحمدلله وصلنا 8:30 الكلية وبالثياب العمانية ما غيرناها لضيق الوقت
كل الطلبة مستغربين واللي يبارك لنا بالعيد والى اخر<<<<< فرحانين شخصيات بالعماني
درسنا اشوي وعطانا الاستاذ استراحة قصيرة رحنا وبدلنا ثيابنا ورجعنا الصف
بعدين جاءت الاستراحة الصباحية ورحنا محل اسمه coop وكله يشغل حريم عيايز ما ادري ليش ما يشغل عرب اخذنا حلاوة للصف
وحطيناها في الصف ومررناها لحد ما خلصت.
خلصنا الدوام رحنا البيت صلينا وكان معنا موعد مع الاخوان السعوديين نلعب تزلج في صالة مغلقة
واستوت الخبصة واستوت الانقلابات<<<< هيش درانا بالجليد من بين الجبال لوسط الجليد
الحمدلله تحسن مستوانا وتمينا نتحرك شوي وانقلبت تقريبا 5 مرات
بس مثل ما يقول المثل ليس العيب ان تطيح لكن العيب ان تطيح وما تقدر تشل عمرك<<< باللهجة المحلية
اخر محاولة لي كنت اريد امسك الحاجز ومسكته لكن رجلي انزلجت على وراء واشتد بطني ونقع ظهري
ما قدرت اتنفس بس الحمد لله يوب ما انكسر ظهري
خلصنا من التزلج ورحنا الهوليدي ان وشربنا hot choclate
المهم زميلي وداني المغرب البيت وراح عني
جلست فالبيت على النت واتصلت في اصدقائي في لندن اكلمهم
خلصت من المكالمة قلت خليني اطلب لي عشاء من طعم ليبي وعندهم خدمة توصيل
جيت اتصل التلفون مافيه رصيد لاحول الله كيف اريد اتعشى بكرة ورايه صوم (اللي لازم اقضيه)
فكرت بطريقة
قلت اركب بطاقة عمان وارسل رسالة لزميلي علشان يتصل فيه على تلفون بريطانيا واخليه يتصل فالمطعم<<< ذكي اههه
رسلت له hello can u call me in English phone
تم التسليم وحولت البطاقة بسرعة بسرعة علشان الحق على اتصاله
انتظر 5 دقائق مشي فايدة
ركبت البطاقة مرة ثانية بس الرسالة ما مشت
زميلي ما يقدر يفتح تلفونه لانه مخرف فما قراها رسالتي
فشلت المحاولة الاولى
قلت اجرب الثانية
لما انا متصل في اصدقائي في لندن سمعت صوت مسنجر وهم حاطين اوف لاين
قلت ادخل المسنجر واكتب لهم ويتصلوا فيه وتنحل المشكلة
كتبت لهم بس ما يستقبلوا
فشلت المحاولة الثانية
لا حول ولا قوة الا بالله
قلت اجرب الخطة الثالثة
في معنا في الفودافون خدمة تعبئة رصيد عن طريق بطاقة البنك
سجلت فيها وحاولت اعبي قالي لازم تنتظر 24 ساعة لحد ما يتم تفعيل الخدمة
يا عالم يا ناس بموت من اليوم مب ماكل شي من الصبح الا ساندويتشه والساعة 10:00
قلت بانتظر زميلي امكن الحين يرجع بس اخاف يتأخر
قلت مشي الا اني اسوي الحل الرابع
اخذت السيكل ورحت اجرب محل وعبيت رصيد واتصلت فالمطعم واكلت والساعة 12 رحت انام
على الساعة 12 دخل زميلي البيت وخبرته بالسالفة وتم يستسمح مني
قلت له انته ما سويت شي سبحان الله تلفونك ضايع ما تنلام.
هذي هيه يوميات اليوم الاول
معي يوميات يوم الخميس كانت جميلة ومرحة
اذا بغيتوني اكتبهن ولا يهمكم
سوري على الازعاج والتطفل
سلام