منتديات جعلان - عرض مشاركة واحدة - .+][ يًٍَُوًَمًٍُ فًَُِيًًُِ حًًٍُيًَُاُةًًُِ عًٍَُضًًًُوًًٍََ ][+.



المشاركة الأصلية كتبت بواسطة الجنيبيه

السلاااااااااااااااام عليكم أحبائي أعضاااء منتدى جعلان
شخباااااركم وشعلومكم عساكم بخير وسهاله يارب
اليوم بخبركم عن يومي كيف كان
طول بعمركم
أول ما أنش تقريبا عالساعه10:15 يبدأ المنبه طراخ وطراخ يصارخ جان الجنيبيه على طول اتبنده أونه بعد في وقت ارقدي يالجنيبيه وازيد فالمنبه 5 دقايق هههههه إضافيه ويصارخ المنبه يعني صراع بيني والمنبه (تصدقون لدرجه أحبانا ازيد عالمنبه دقيقه فقط يعني الله يهديني دقيقه بتخلص لين أحط الفون ) الله يثبت عقلي
وتبدأ امايه ادقلي نشيتي أنا أونه هيه هيه وتكمل ارقادها الجنيبيه وانا أحط الفون سايلنت عسب ما اسمع الفون إذا أمايه دقت وأكمل ارقادي وامايه شوي ودق على تلفون غرفتي وأنا عاد كل شي وتلفون الغرفه أكره صوته وأرد على امايه وأني أخلي روحي جني ناشه من ساعات مب من ثواني
المهم اتجهز

وعدل شنطة الاب واتأكد إذا (الآيدي)داخل البوك ولاالسكرتاريه بيروغوني لأنه أول ما أدشين الكوليج إلا وياج الآيدي لازم اتراوين الوحوش اللي عند الباب<<< الصراحه أنا وايد أخاف منهم والله يزيقون جنج داخله حرب مب كوليج
أوكي وأول ما انزل
يبدأ سؤال امايه المعتاد أقولج فلانه انتي متى ترقدين أونه معصبه علي
وأنا أرد عليها بالجمله المعتاده اميه ادعيلي عندي امتحان وفديت امايه تنسى السالفه
وتنطلق الجنيبيه إلى الكوليج

وأول ما وصلت الكوليج دقيت لربيعتيه عسب تستقبلني أخبرها وصلت >>> تدرون ليش لأني نو وي أمشي خطوتين بروحي
ونحن رايحين صوب الكلاس يصير شي غبي وايد يضحك
أنا وربيعتيه ركبنا اللفت وسكرناه تمينا فيه دقايق وعقب انلاحظ انه ماوصلنا شالسالفه هههههههه جان انجوف الزر ونلقى روحنا الاذكياء ماضغطنا على سيكند فلور

انزييييين
ونطلع بالسلامه من اللفت ونجوف بنات كلاس وسلمت عليهم
شوي واتيي المس وندش ويبدأ الدرس بس الجنيبيه كالعاده المس بصوب وأنا بصوب على طول افج لابي وأشيك عليه
لين يبدأ البريك فالبريك سرنا أنا وربيعاتيه انصلي فالمسيد ونحن رايحين تدرون امنوه جفنا اليازيه محمد اللي تغني طلعت الاخت ويانا تدرس بس وحليلها كانت تكسر الخاطر المهم ماعلينا منها رحنا صلينا وتمشينا وضحكنا وتغشمرنا
المهم ردينا الكلاس وعالساعه 3:30 رديييييييت البييييييييييت وأخيرا بررررررررررقد
وصلت البيت وعلى طوول غرفتيه وكالعاده تستقبلنيه اختيه الصوره ليييييييييش تتوقعون؟؟؟؟تباني أسويلها روووووج
(تدرون أفكر الحين اشتري ميكب لأختي الصغيره وبنت أختيه عمرها سنه و5شهور ولامابا يخلوني بسبيل حالي شورايكم على هالحل)؟؟؟؟!!!!
انزين أول ما اتحررت من الاخت أبدل لبسي واصلي العصر وضربها رققققققده وما أنش إلا قبل الاذان بدقيقه
انزين طول عمركم عقب الفطور أروحرفتيه أصلي وعقب أقرأ قرآن لين ما اتيي أم خماااااااااااااااااااااااااااااااس هيييييييييييه أكيد تعرفونها ههههههه

انزين عقب أم خماس وخرابيطها
شو تتوقعون صاااااااار؟؟؟؟؟؟؟؟؟
ياني ولد عميه بدراجتها يباني أسابقه
جان أخلي روحي بطله هههههه يبت دراجة أخوي وشغلته وولد عميه بدراجته ويبدأ السباااااااااق
ورووووووح الجنيبيه اللله معاج ونفتر على هذاك الحوي وتفحيطات على كيفك كيفكم
شو صااااار بعدين وقفت فجأه جني سمعت صوت ريال غريب
جان انقز من الدراجه وما أحصل نفسي إلا وانا فغرفتيه >>شو رايكم جاكي شان مب الجنيبيه ههههههه
بس صدق للحين مش مستوعبه كيف دشيت غرفتيه....انزين وبعدين عالساعه 9 رحت ويييين الصقر سرت (باسكن روبنز من يوم قريت عن يومياتك وانا خاطريه ببااسكن روبنز) وخذيت منه وكلييييييت <<أقول تراني حطيتلكم مانسيتكم بس ماعرف إذا وصلتكم الطلبيه ولا بعد !!!!هههه
انزين عقب سرت الخالديه مول ويييين رحت سرت محل حق اللابات وشتريت للابي كفر وايد حلو عيبني وشتريت بعض الاشياء

وبعدين دشيت محل كريسبي كريم(دونات) خذيت حقي وحقكم بعد انتوا اختاروا وبالعاااافيه عليكم

انزين وردينا عقب البيت لا استغفر الله سرت محل الهواتف
وبعدين على طول رديت البيت
بس ردينا وايد متأخر جان اسويلي نس كافيه وروح الصاله وكليت الدونات مع النس كافيه وجفت شوي التلفزيون عقب تميت فغرفتيه والساعه 1 فجيت التي في وطالعت مسلسل

تي في
عائلتي تعيبني خرابيطهم هههه والله يضحكوني

وعقب ما خلص فجيت الكمبيوتر وبطلت المنتدى والمسن واخوانه والساعه 4 سرت غرفة خواتي صغار عسب يتسحرن بس أنا تميت عالاب لين ما أذن جان اطفيه وروح أصلي وبعدييييييييين رحت ارقد وخلااااااااااااااص
للعلم انا عندي امتحانين وبعدين ما درست أونه فالبريك بدرس
وتوته توته خلصت الحوته
أدري طولت بس ماقدرت اختصرت هههههههه ماعليه اتحملوا محد قالكم تختارونيه [وداعة الله

خخخخخخخخخخخخخخخخ
عاد ماجدووووووووولـ الجنيبيييييييييه

يوووومج وايييييييييييد متعب وحماااااااااااااااااسي
خخخخخخخخخخخخخخ
بالتوووووفيق