السلام عليكم يالاعضاء.... شحالكم؟؟
اول شي جعدت من النوم.. انا اجعد تقريبا الساعه 7 لكن اضل يالسه
اطالع السقف ...وشوي اطالع الساعه ...وشوي اطالع الدريشة...
هذا كله وانا بعدني بمكاني.. وعقب ماطالع كل هالاشيا
اقوم.. ارتب السرير ..
وعقب اسير اتوضأ واصلى الضحى"
عقب ابطل الكمبيوتر.. القي نظره ع المنتدي
عقب اسير المطبخ.. هم القي نظرة عليه اشوفه كيف صاير
وابدأ ف حمله التنظيف ف المطبخ..
اغسل الصحون لو حصلت صحون
واسير ابطل التيلفزيون .. اغسل صحن واسير عند التيلفزيون اطالع مشهد
من مسلسل وارد مره ثاانيه واغسل صحن ثاني وارد للتيلفزيون مره ثاانيه
" قبل كنت حاطه تيلفزيون ف المطبخ " بس ماعيبتني الفكره!!
لان لاحظت ان جذي صرت ماطلع من المطبخ كلش
وحياتي كلها صارت ف المطبخ!!
طبعا الكل يقوول شو سالفه المطبخ وياها؟؟
انا والمطبخ تجمعنا قصة حب كبيره ...
احب المطبخ وااايد
انا قصة الانسان ... انا جرح الزمان... انا ساالي ساالي ههههه
تدرون لمن كنت اشوف مسلسل سالي كنت اسوي مثلها اضل امسح
الارض .. يمكن هذا سر حبي للمطبخ..
المهم عقب ماخلص الشغل ف المطبخ.. اطبخ آكله .. هذا لو كان
عندي مزاج للطبخ!! لان انا ماطبخ الا اذا كنت رايقه.. وحاسه اني ابطبخ
عقب اطالع الاعاده " ل مسلسل " حاير طاير" ومسلسل" حظ يانصيب انا ومشمشة
اشوف المسلسل مرتين
ف وقت العرض العادي + الاعاده
عقب ماخلص كل شي وعقب ماشوف كل القنوات ...
اسير غرفتي واضل اقايس ف الثياب الي شريتها
اقووولها لاااا
لان كل ماطلع لازم اشتري شي!! ماااقدر ماشتري!! يصير فيني شي!!
من كنت صغيره وانا جذي.. احب اتشرى.. خاصه الجواتي والجناط!!
ولو صارلي فتره ماشريت اطالع الكبت واشووف شي مالبسته قبل
او صارلي فتره مالبسته واشوفه كيف صار!!
ومشمشة يوم تشووفني اتقووولي: بلاج طالعه؟؟!!
اقولها : لاا بس اقايس!! عقب تناظرني نظره كنها تقوولي انتي مينونه!!؟؟
عقب ماخلص قياس... ايلس قدام المنظره" واحط كحل.. واجرب طرق
يديده لوضع المكياج ^^
عقب امسح المكياج ... واخذ تيلفوني واضل اتمشي ف البيت
اسير من غرفه لغرفه وعقب ايلس .. واطالع تيلفوني
((اتريااا مسج او حتى رنة ))
عقب الافطار
آكل.. لدرجه ماقدر اتحرك من كثر الاكل الي كليته!!
عقب اسير اطالع التيلفزيون واشرب عصير واشوف مسلسل" ابله نورا"
ومسلسل" نص درزن" وعند مسلسل نص درزن.. آكل حلويات"كوول وشكوور.. بلوريه..
اصابع كاجو.. مبرومي شرحات ^^ وعش البلبل... لك مااطيبا حلوويي كتييير كتييير
وعقب اطالع مسلسل " حظ يانصيب" وعقب القى نظره ع باقي القنوات
واطالع" ريح الشمال"
عقب اشوف مسلسل " فضة قلبها ابيض" ومشمشة اتقوولي لمن اشووف
هالمسلسل يرتفع ضغطي!! .. وخلال الفواصل انسولف
واشوف مسلسل " اليرام" ... ام عابد
وعقب اسير غرفتي... ابطل الكمبيوتر.. وادش المنتدي..
واضل يالسه لين امل من اليلسه!!
وعقب اسير ارقد وعقب اجعد للسحور..
وعقب ماتسحر.. اقرأ
قرآن واصلى الفجر واستغفر الله (1000 مره ب الطريقة الي خبرتكم عنها ف قسم الاسلامي))
وعقب ارقــــد..
واجعد الساعه 7 ويتكرر اليوم مره ثاانيه
وهذا كل شي..