بااأك

وصلت مكتبنا اللي بالطابق الاول
عندنا مكتب ثاني بالطابق الثاني لي انا وعبدالله اللي وقع لي
سلمت ع عبدالله وماجد وباسمه وسلمى وانجلينا وماثيو
شحالك شخباركم
باسمه كعادتها ثرثاره:محمد ليش متأخر كانك مدير
ماجد وعبدالله : خليه كم محمد عندنا
سلمى: هيه الا هو واحد
انا: ثانكيووو .... انجلينا عطيني اوراق المبعدين خليني اسير فوق ولا تتصلون الا لشي مهم واذا حد من الاداره ياي فوق اتصلوا بسرعه


شليت قشي وسرت فوق واحصل عبداللطيف <<< الفراش
يالس بالمكتب
عبدو قم قوووم

احط الفون بالصامت وايلس اتصفح الجريده لان ماشي
شغل الا الساعه 11
عقب يتصل مؤيد ويقول انه ياي
ييلس شوي عقب يسير شغله

ويبدا الشغل
شغل عادي روتيني
لين اتصل فيني مكتب "امن الدوله"
تعال يامحمد ظروري
العاده يتصلون الجوازات او مكتبنا اللي تحت
عطوني اوراق وحده مصريه توها واصله ع اساس اخلص اوراقها وترد بلادها
طبعا المرجعين لازم نردهم بلادهم بسبب ع حسابنا او حساب شركة الطيران

الغريب في هالحاله انها بدون اسباب
لازم يكتبولي اسباب الارجاع وهم كاتبين "بدون اسباب"
انا سكت لان هذا "مكتب امن الدوله"

والحين لازم حد اييب لها تذكره
اتصلت لزوجها وقلت له السالفه
ترى ريلها موظف بالامارات وهي يايه تزوره

اتصورا شو رد علي





قالي خلها تحترق هناك انا مالي خص فيها ولا بييب لها شي
ولا تتصلوا فيني


المهم رديت اوراقها لهم وقلت لهم الموضوع وان انا خلصت اللي علي ومالي خص

عقب سرت مكتبي فوق طبعا ماخلي حد ييلس وياي
وايلس اقرا مجلات الشعر

عقب انزل تحت اتيلس وياهم
ولا ادش المسنجر والمنتدى
من موبايلي واسولف

بما انه دوامي للساعه سبع عقب المغرب نفطر بالدوام

انا بصراحه ماعرف اكل الا بالبيت
عشان جي اكل تمر واشرب عصير واكل لقيمات امي مطرشتنها لي

صح دوامنا برمضان للساعه 8
عشان نفطر ونرتاح عقب نسير
لكن انا عقب الفطور اغمز لعبدالله واقولهم اني بسير فوق
وانا اشغل السياره واسير البيت وعبدالله يوقع لي نهاية الدوام
اوصل البيت والوالده مزهبه لي عيشه طيبه اكل شوي
ايلس ع اللاب توب الا اذا ياني ولد خالتي وظهرنا
ولا ايلس ع النت لين احس فيني رقاد يعني ع الساعه 2 او 3

صح ماخبرتكم قبل لا ارقد مستحيل ارقد الا اذا سرت تمشيت برا ع الاقل نص ساعه

وبس هيك


طبعا في تفاصيل خاصه مقدر اخبركم بها

واخلي اختي العويسيه تختار العضي لي بعدي