خذ دلتك وأركى على مسند الجيب
وعطني شماغك بلثمة وأحتمي به
يابوي بنتك لا أنحكى بالتجاريب
كلن يشق لهيبة الصيت جيبة
يابوي ماني من سوات المخاريب
اللي تجيب لعلية القوم خيبة
وماني من اللي لامشت حفها الريب
أنا من اللي مايدنس حليبه
خضبت لك كفي من العز تخضيب
ورفعت راسي للنجوم الصعيبة
والله لأسدك بالفعول المصاليب
والله لأشيلك بالرخا والمصيبة
طلع المعالي ما أنحكم للتشاويب
بنت ٍ وأناطح فارس القوم طيبة
وياشيخي أبشر لو تدور الدواليب
بنيتك لامن عوى الذيب ذيبه