يا دار وين اللي أحبّه وأداريه=وين الذي تحيا حياتي بشوفه
وين الذي يا دار قلبي يسلّيه= عقبه غدت يا دار ليام عوفه
ما حد لفاني بالخبر جاب طاريه= عييت كثر أسأل ونفسي شغوفه
بين الرجا والياس أوقف وأناديه=عل وعسى ياخذ فوادي بروفه
مشتاق له بالحيل يا دار وأفديه=لو مرّةٍ في العمر تسمح ضروفه
ودّي أحطّه في عيوني وأغطّيه=ودّي أترجم نبض قلبي حروفه
ما يعيضني في دنيتي غاليٍ فيه=لو هالزمن حكّم وجارت صروفه
أصبر وصبري عذبتني لياليه=أبكي على وقتن مضى بالحسوفه
للوقت بسمه وبسمتـي يوم ألاقيه=لو فـي ديار بعيد ودّي ألوفه
من ما جرالي يكفي اليوم أبكيه=وإن جارت الأقدار قبري يطوفه