ـ هل يحق للرجل ضرب المراة مهما كانت الاسباب وهل تؤيد ذلك.
لا يجوز له ضربها!! اهي مب ياهل عنده!! ولا بس يبي يسوي
نفسه قوي عليها!! وهو ربعه يطقونه ويكسرون عضاامه!!
المفروض الحرمه الي زوحها يضربها تضربه! :mad:
ـ اليس من واجب الاهل الوقوف في جانب المراة؟
هيه من واجب الاهل.. لاكن بعض الاهالي لو كان الزوج قريبهم!!
مثلا ولد اخت ابو الزوجه ولا ولد اخوه!! تلقاا انه يظلم بنته عشان
يرضي اخوه وولد اخوه!
ـ ماهو واجب المجتمع والدوله امام هذه المشكله؟
الللي يضرب حرمته ينجط ف السجن!! ((قانون))
ـ هل قيام مؤسسات خاصه تساعد على حماية المراة الحل البديل؟
لا مؤسسات ولا شي!!! تري هالمئوسسات وهالاشيا!
بس كلام ماوراهم الا الكلام وماعدهم الا الكلام!! والندوات
والاجتماعات!! وماشي فايده!!
ما الذي يدفع الرجل للقيام بمثل هذه التصرفااات ؟
قتلك ربعه يكونوا ضاربنه ومكسرين عضامه!!
ولاتهاوش مع احد ب الدوم ولا ب الطريق! ولا المدير زاعج
عليه!! عشان جي يجي يضرب المسيكينة حرمته
وهي مالها ذنب!!.. هذا يسمونه ف علم النفس ((الازاحه))
هل ليثبت رجولته !! أو يجعل الزوجه تخاااااف منه ؟
بعض الرجاجيل!! ايقولك انا اضربهاا عشان اتخاف مني!!
ولاتكسر لي كلمه!!
وأين ذهب الحب ؟ وما دوره في هذه القضيه التي نعاني منها حتى اليوم ؟
بعد الزواج كل شي يتغير 180% !!
هل الضرب حل نهااااائي للمشااااااكل الزوجيه ؟
لا طبعا!! الضرب هو بوابه المشاكل!!
الحرمه ماطيق الرجّال الي يضربهاا!!
ما الاثر الذي ستخلفه اثاار الضرب على نفس الزوجه ؟
والاطفاااال ؟
الزوجه طبعا نفسيتها بتتأثر!! بتكره الزوج!!
اما الاطفال بعد بيكهوا ابوهم لانه ضرب امهم!!
والعيال هم وصغار يحبوون امهم كثييير .. وبعد بيخافوا منه
اكيد للمخدرات دور في هذه القضيه ؟ ما النصيحه التي توجهها ؟
لو الزوج ياخذ مخدرات!!!! مب بس بيضربهااا!!!
الا بيذبحهااااااا
والله المفروض ان يكون هناك وعي لدي الشباب عن مدي خطوره
هذي السموم((المخدرات)) ولازم كل شخص ايعرف ان
المخدرات مب الحل!! للمشاكل!! الا اهي بوابه المشاكل!!
لماذا تسكت المرأه ؟ لا تشكي ولا حتى لأهلها ؟
تخاف لاتقول لهلهاا وهو يهددهااا او تتطلق!!
تستوي مطلقة!! وطبعا كلام الناس وااااااايد!! بيقولون ان اهي اللي قصرت
وياه عشان جي طلقهاا!! ع الرغم من انه مب ادمي!! ومحد يقدر يتحمله!
هل تخاف من الزوج وعلى بيتها ؟
هيه اتخاف منه!! الازواج يهددون!! وخاصه لو الحرمه مب متعلمه!!
او ماتشتغل!!! عشان جي افضل شي ان الحرمه تشتغل
ايكون عندها وظيفة وماتحتاج حق احد!!!
وبعد اتخاف من لقب مطلقة!!!
ولكن ما الذي يجعلها تتحمل مالا يتحمله بشر ؟
من الخوف!!! اتخاف من كلمة مطلقة لو طلقهااا!!!
والناس كلامها وااااااايد!!!
متى ستختفي هذه الظااااهره نهااائيا من مجتمعاتنا .؟
بتختفي لمن كل رجّال يتقي الله ف حرمته ويحترمهاا
ويعاملها معاملة زينة!! ولمن يرد لتعاليم الدين الاسلامي
((ورفقا ب القواريـر))
مشكوووووووووور
الساعدي
ع الموضوع الحلووووو