الله يسلمج
هذي قصيده لحامد زيد
اقروها زين حلوه
...................
أثر المصايب ماتجيك إلا مـن النـاس القـراب
وبهالزمن حتى الخوي اللـي تثـق فيـه أحـذره
أهب ياوجه الحسـد وشلـون جمعهـم وغـاب
كيف السنيـن اللـي عطتنـي بعثرتهـم بعثـره
لابارك الله فـي رفيـق ٍ تزعلـه كلمـة عتـاب
ولاجمـع الله الرجـال اللـي تفرقـهـم مــره
الصاحب اللي مايجي من صحبته غيـر العـذاب
نذر ٍ علي إن ماهجرني وإلا أنا اللي ب أهجـره
من يفتح لفرقاي باب أفـك لـه عشريـن بـاب
وأذا خويـي مايقـدر خـوتـي مــا أقــدره
عو ّدت نفسـي كـل ماشـددت لليمّـه ركـاب
مأصد وجهي عـن طمـوح إلا لياجبـت خبـره
أن روّحوا فأنـا بـري منهـم ليـوم الحسـاب
وإن جرحوا قولوا لهم ماحركـوا فـيّ إشعـره
شفهم لهم حول السنه ولا خـذوا منـي جـواب
أحسـن دوا للـي يحـاول يستفـزك تحـقـره
ماكنت أحاتيهم صغيّير ..عـاد أحاتيهـم شبـاب
الصاحب اللي ما أذخره لليوم الأسود ما أذخـره
شفني جمعت أوراقهم بكتـاب وأغلقـت الكتـاب
ياوقـت لـم اللـي تلمـه وأنثـر اللـي تنثـره
اللي يخاف من الظما يترك لنـا طـرد السـراب
واللي ماهـو بقـد الظـلام ووحشتـه لايسهـره
عقب أكتئاب البارحه ماعاد انـا حمـل إكتئـاب
الطيب جرجرني وانا مانـي بناقـص جرجـره
انا تجرعت الظما ليـن أحتـرق وجهـي وذاب
انا كسـرت بخاطـري قبـل الصداقـه تكسـره
انا خسرت اللي غيابه غيـر عـن كـل الغيـاب
انـا غفـرت لـعـلام ٍ ماتستـحـق المغـفـره