المشاركة الأصلية كتبت بواسطة ابن الاشخرة
اما انا مره سويت حركه
اول ما تعلمة السواقه
شليت سيارة ابوي ماشي ناحية البحر وغرزة عليه السياره وبعدني ما وقفت جلست احول اطلعها لحد ما غاصن التواير كاملات جالس اقول في خاطري غبت فيها اليوم لحد ما مر رجال كبير وخليته يطلع لي السياره و وداني لين الشارع ورجعت السياره البيت ولما ابوي جا يبا يطلع شم ريحة الدخان في السياره ويضن انه اخوي العود طالع بالسياره المهم بعد يومين احترقت صينيت الكلش مال السياره وابوي عصب على اخوي ونجيت انا منها
|
هههههههههههههههههههههههههههههههههههههههههههههههههه هههههههههههههههههههههههههههههههههههه
وللحين ساكت
والله مب سهل يابن الاشخرة
هههههههههههههههههههههه
موضوع جميييييييييييييل يا ريم الفلا
انا بخبركم موقف
مره كنا عازمين ناس ربعنا فبيتنا
المهم الناس تاخرو وايد فابوي قرر يروح يجيبهم بنفسه
و في هاللحظه انا و اخواني كنا نلعب بالسياره و انا كنت راكبه فالتاير الاسبير الي ورا في سياره استيشن لما جا ابوي وكان مستعيل ما لاحظ اني راكبه فالتاير و كنت ياهل ما باين شي مني علطول ابوي ركب السياره و تحرك وانا بعدني متعلقه تخيلو اني ابوي يمشي مسرع فالشارع وانا اصيح وابوي خبر خيييييير مايسمع شي هههههههههههههههههههههههههههههههههههههههههههههههههه ههه
والله مستحيل انسى الموقف
عقب ابوي وقف السياره عند بيت الناس الي عزمناهم و انا ميته صياح زين ما طحت و ادعموني
وفوق هذا ابوي من خوفه اهىء اهىء اهىء ضربني
وما تغديت ذاك اليوم
حليلي مسكينه
و تسلمون عالموضوع