المشاركة الأصلية كتبت بواسطة المدهوشية 2
من حقي.....
قالوا رافعه راسج اصيله والفخر ساسج
تكحل بالغلا رمشج وفيه والشيم ناسج
قالوا وقلت من حقي هيبه والكرم عشقي
انا لا من قلت كلمه كل الكون لي يصغي
الا ياللي ذبل ورده انا هالطيب واحساسه
الا ياللي نقص حلوه وضيع غالي الماسه
انا ماني اميرة الحسن انا تاجا عى راسه
انا بنت اللي كتبت اسمها على شروق الشمس عنوان
حملت المجد ف كفوفي وقدر السيف ابد ما هان
تمنوني الخليجيين واجمل من سكن لبنان
انا بنت العفيه .صور على شطي رسى هالنور
انا بنت الحبيبه اللي لطاريها تهل بحور
واذا هي العين دار الزين انا داري عواصم حور
عبيري شمته الازهار ومن فني خذت الصقور
عرفني كل شموخ وعز وصيتي من ذهب مسطور
يا بخت اللي عرف قدري عزيز و ف الهدب منثور
ترى غيري تعب وياي ومات من القهر معذور
من اصحاب السمو انا وهو من باقي الجمهور
|
العفية تستاهل زود وزود
أرض تاريخ وحضارة
أرض رجال رفعوا أسمها فوق كل الأسامي
من بلاد الصين للهند والبصرة
لليمن وسواحل أفريقيا
كلها تسجلت بتاريخ صور العفيّة
أغسلي شعرك بعيني
لاتخافي
وافردي طولك وصوتك
لاتخافي ...
وإن تعبتي من جلوسك
ف العصاري
واختلط ملحك
بأنفاس الحواري
علميني هالمساء
من جاب طاري
لك يا أم البحر ... سيرة بعد سيرة
يا القصيدة اللي كتبها الملح ليلة
ومانبت في جلدها غير الفخر
من شيوخ ومن رجال ...
ومن صخر
يا اللي التاريخ مامرك أبد ...
إلا باس ترابك وصلى وقعد
يا العظيمة في رجالك من ولدتي ..
ومن غدى هالكون ... كون
ومن عرف وجه الطبيعة
له ملامح أو عيون
يالعروس اللي خطبها الشعر .. مره
والحلم والريح مره
والمجد من يوم صارت هالبسيطة ... الف مره
يالطهور الوارفه عزة وكرامة
من خلقها الله ... هامه بعد هامه
يالمدينة الرابضه وسط القلوب
وفي نفس شيخة .. إذا هب الهبوب
أغسلي شعرك بعيني .. لاتخافي
وافردي طولك وصوتك لاتخافي
ما بهذا العمر صدق إلا صباحك
وبحرك العذب الذي ... يشبه رياحك
وصوتك المحموم ... بحارة ونوارس
وعرسك الممتد .. في صوت المراوس
لما ترجع مالسفر بيض الوجوه
ياللي في دمي
بعض ملحك وطينك
وإنكسار الشمس في صفحة جبينك
يالشبيهه بالبحر طيبه وخير
انتي غير .. انتي غير
( إنتي غير وها الأرض يا صور غير )
كلمات الشاعر/ محفوظ الفارسي