اذكر موقف قوي مره الصراحه

بس ايمها ما كنت صغير وايد كنت في الاعداديه

وكان يوم الخميس وانا راقد الساعه 6.30 الصبح اسمع ولد عمي يسال عني المهم ياني قالي خلا بنطلع بحر

وكان ايامها ريح (( شرقي شملاي )) يسموه عندنا (( ازيب ))

قلت له الحين الخلق كلها ك طلعت بحر ولا وبعده ريح

المهم اتفقنا نطلع ومشينا ولما وصلنا للساحل نشوف الناس ترجع كانت ريح قويه المهم احنا خلاص صنفنا نطلع (( ولد عمي مينون )) لقينا الشيبه اللي يشتري السمك من هل بحر نصحنا الشيبه انه ما نطلع لانه ريح واحنا مشي راكبين روسنا

طلعنا وتوكلنا على الله بس يا ريتنا ما طلعنا

كل الناس اللي عارفين بحر رجعو وحنا اليهال الصغار معاندين الريح المهم واحنا نصيد ما نشوف غير موجة وتضربنا بقوه والحمد لله نجينا منها

والثانيه وتجينا وانتبهنا لها وشغلنا القارب والثالثه تضربنا في القارب

وعلى هالحال حوالي خمس امواج كبيره تضرب فينا

اخر شي انا عصبت ولد عمي قلت له اذا ما رجنا الحين انا برجع سباحه عنك له الساحل كان قريب

والحمد لله عاد رجعنا سالمين

بس تددرو حتى ما جبنا قيمة بترولنا