(توم وجيري) أنت إنسان مهستر يعني بايعها وما تنتفع مع المغامرات والمطاردات ولك ماضي رصاصي فاتح مع المدرسين ايام الدراسه , تحب الحيّل والمقالب,مزحك ثقيـل تحب تنكتّ وتضحك على روحك وكل شي من حولك يضحكك .
(جورجي وسالي وليدي ليدي والربع كلهم) أنت إنسان رقيق المشاعر ودلوع وتتمتع بحس مرهف إذا كنتي بنوتة فأنتي تحبين تحطين غرتك "غرة يعني جذي " على عيونك وتهفينها كل شوي وإذا كنت ولد فأنت تعاني من عقده نفسيه لإن أيام الطفوله كانوا دايما يخلونك تلعب دور (البنيّه) و أكثر مايتابع هالنوعيه هم البنوتات .
(ماروكووو) أنت إنسان مطنّش أبو أمّ الدنيا هذي وعايش بـ جو خاص فيك .. إنسان شقي وقلق تحب تلعب لحالك.. ومتعب اهلك معاك.
(السيدة ملعقة وعقلة الاصبع) أنت إنسان خيالي .. تحب تفلسف وتطول المشاوير وتسوي نفسك فاهم.. إنتبه لنفسك لانك ممكن مع الوقت تصير مثقف وتألف كتاب بأسم ( خريف البحر) وترى احتمااااااااال وارد انك تبقى وحيد... << ترى ها .. انا حذرتك مو تقول ما قلت ^^
(طمطوم) أنت شخص طمووح وتبي تسوي عمرك بطل باللي هي به لدرجة ممكن انك تتبرى من اهلك علشان تقول انك ولد الملك... نصيحتي لك راجع نفسك ترى ما طار طير وارتفع الا مثل ما طار طب وكسر رقبته
عدنان ولينا) رومانسي لآخر درجة وبصورة مو طبيعية ولكن مزاجي بشكل خيالي على الرغم من طيبة قلبك .. تحب تتميلح وتتمصلح على غيرك وممكن جدا انك في يوم من الايام تاخذ أخوك وتلصقه في الطوفة بس جذي مزاج .. نصيحتي لك انتبه ترى مو كل مرة تسلم الجرة.
هذه المسلسلات اللي تعجبني
كل الشكر لصاحب الموضوع