أخي الكريم
للمعلم دور كبير في تقبل الطفل لواقع المؤسسات التربوية
ولكن أين ذلك الوقت الذي سيتفرغ فيه المعلم لأداء دوره التربوي
نصاب الحصص الذي لا يقل عن 27 حصه في الاسبوع وفي بعض المدارس 30 حصه
والمهام الاداريه الاخرى من إشراف وأنشطة ولجان ومسابقاااااااات لا تنتهي
المعلم من حصه لحصه وعدد التلاميذ يتراوح من 25 إلى 30 طالب وزع زمن الحصه على التلاميذ كم بيكون نصيب كل واحد منهم غالبا تكون 35 دقيقه بسبب الحصص الصفريه اللي ما تخلص .
طيب فضى المعلم وراه تصحيح أنشطة وكتب ودفاتر وإذا تابعها في الحصه متى بشرح يتابع ما نقول ما يتابع بس ما راح يتابع كل الاعمال لابد من متابعتها في وقت لاحق ومتى هذا الوقت غير الحصص الفاضيه .
وفي أحيان كثيره ياخذها للبيت خصوصا الانشطه الورقيه .
في وقت الفراغ الجنة المكلف بمتابعتها تحتاج للمتابعه والنشاط المكلف به محتاج للمتابعه وما راح نتكلم عن الاشراف لأنه يوم بالاسبوع ويعدي متى يتفرغ المعلم متى ؟؟؟؟
الصراحه التغيب أغلب الوقت سببه الاهمال من قبل الوالدين
في مره تم استدعاء ولية أمر لكثرة تغيب أبنها
أيش قالت المسكينه أنا والله ما قادره عليه أبوه يشتغل بالخارج وهو الولد الوحيد وسط بنات ويسوي اللي يريده على راحته مره يقوم للمدرسه ومره ما يقوم يعني على حسب مزاجه بس هذا قلنا له الصف ما حلو من غيرك التزم أسبوعين ورجع لعادتة مره ثانيه . سبب غيابه التسيب في البيت لا للنظام ولا للمدرسه ولا للمعلمين دخل في غيابه .
وفي وحده ثانيه تغيبت تقريبا ما يزيد على 14 يوم بس مو متواصل متفرق كل ما أسألها ليش أنتي غايبه تقول كنا بيت جدي وما لقينا أحد يجيبنا .
سبحان الله كل اللي خارج الفصول يتفنن في القاء اللوم على المعلمين الظاهر لأنه الحلقه الاضعف ولابد من القاء اللوم على احد ...... ما اقدر اجزم بس اتوقع