بس أنتهى وقتك وبطلنا هوى ..
ألغيت في قاع الحشى مساحتك
ذيب المحاني من قسى جورك عوى ..
اللين جف الماء وماتت واحتك
تلويحتك فيها حزن لكن قوى ..
قلبي على توديعك ولواحتك
شربت فنجان الصبر لين أرتوى ..
صبري لو أن دلال شوقي فاحتك
ذموك عقبي , عقب ماطال النوى ..
واللحين شف وشهو قضى مداحتك
خلوك جرح هاملٍٍ ماله دوى ..
وكذبك علي ماتغيره صراحتك
من كثر ما قلبي بـ طعناتك روى ..
عييت جروحي كلها م اباحتك
لا تعتذر عن غيبتك مالك لوى ..
دام البرودة في الغرام أجتاحتك
كنا سوى واللحين ما حنّا سوى ..
أنا نويت أرتاح .. وأنت براحتك